Flet drejtori i qendrës se skijimit: A është gati Brezovica për turistë?
Autori: Gazeta inFokus 11:28 | 30 December 2019
“Deri te vila e këtyre të mëdhenjve”. Më tej ende nuk është asfaltuar rruga që qon për në qendrën e skijimit në Brezovicë, të komunës së Shtërpcës.
Kështu tregojnë me gisht banorët drejt një kompleksi vilash, e ku thuhet të jetë edhe pushimorja e Presidentit të Kosovës Hashim Thaçi, afër së cilës pushon kohë pas kohe edhe ish-Presidentja Ahtifete Jahjaga e politikan të tjerë kosovarë.
Pjesa tjetër e rrugës është thuajse e pa kalueshme. Sa nga gropat e thella të krijuara ndër vite, e sa nga dëmet që i kanë shkaktuar kompanitë që po fusin në gypa rrjedhën e fundit të ujit në këtë zonë për të ndërtuar hidrocentral, shkruan gazeta inFokus.
“Po donë me na izolu”, thotë me shaka për gazetën inFokus drejtori i qendrës së skijimit, Sllavisha Kuzmanoviç, i cili me ekipin e tij kanë hapur tashmë dyert për të pritur mysafirët për sezonin e ri dimëror.
“I kemi bërë të gjitha përgatitjet në gjendjen që jemi. I kemi testuar teleferikët, kemi rinovuar disa dhoma të hotelit Molika dhe po punojmë për përgatitjen e pistës së skijimit pasi tashmë edhe borë ka rënë mjaftueshëm”, tregon ai, shkruan gazeta inFokus.
Por, shprehet i shqetësuar me gjendjen e rrugës dhe vend parkingjeve të cilat do të duhej të rregulloheshin më herët nga Ministria e Infrastrukturës dhe Parku Nacional i Sharrit.
Megjithatë thotë se do të marrin përsipër vetë rregullimin e parkingjeve që të mos krijojnë tollovi për qytetarët, të cilët ia mësyjnë kësaj pjese të Kosovës.
Çmimet e shërbimeve të skijimit dhe teleferikut thuajse nuk kanë ndryshuar nga vitet e mëparshme, ndërsa akomodimi në hotelin më të vjetër në këtë vend, Molika”, kushton vetëm dhjetë euro, shkruan gazeta inFokus.
Por, ku shkojnë paratë që mblidhen nga turizmi në Brezovicë?
Drejtori i qendrës së turizmit dimërorë, ka nostalgji për kohën kur Brezovica ishte qendër ndërkombëtare e skijimit, dhe skitarë e turistë të ndryshëm vinin në këtë vend nga e gjithë bota.
Tani thotë se mezi mbijetojnë.
Qendra e skijimit Brezovica, aktualisht ka 152 punëtorë të cilët paguhen për gjithë vitin. Por, sipas Kuzmanoviç, vështirë sigurohen edhe pagat e tyre nga të hyrat që krijohen në sezonin dimërorë në Brezovicë, shkruan gazeta inFokus.
“Tani kjo qendër është ndryshe, nuk mund të mendoj askush se këtu fitohet dhe siç thonë ne i dërgojmë paratë në Beograd apo ku ta di unë. Po të mos ishin subvencionet nga republika e Serbisë ne nuk mund ti mbulonim as shpenzimet elementare si dhe të mirëmbanim pajisjet e stërvjetruara”, thotë Kuzmanoviç.
Ai tregon se institucionet e Kosovës nuk janë interesuar fare për këtë qendër.
Megjithatë, shpreson që një ditë nami do ti kthehet përsëri kësaj qendre kur të gjithë ta kuptojnë rëndësinë e saj dhe të investojnë në zhvillimin e mëtejmë./Gazeta inFokus/
Të tjera
-
Regjistrimi i popullësisë: Komuniteti boshnjak në Kosovë shfaq drojën se numri i tij mund të zvogëlohet
Komuniteti boshnjak në Kosovë shfaq drojën se numri i tij mund të zvogëlohet,...
-
Lṷfta e fundit në Kosovë: Rreth 22 miliardë euro dëme materiale
Institucioni i Avokatit të Popullit po mban një tryezë diskutimi me rastin e ...
-
“Termokos” përmbyll sezonin e ngrohjes
Ndërmarrja “Termokos”, ka përmbyllur sezonin e ngrohjes për vitin 2023-2024. ...
-
Maqedonci në ministerialin e CEDC-së kërkon përkrahje për anëtarësimin e Kosovës në BE dhe NATO
Ministri i Mbrojtjes, Ejup Maqedonci, ka rikonfirmuar edhe një herë orientimi...
-
Ndërpritet konferenca STEMinists’24 nga protestueset, kërkohet përgigje nga ministrja Nagavci për rastin e profesorit Xhevat Krasniqi
Rektori i Universitetit të Prishtinës, Qerim Qerimi nuk përfundoi fjalimin e ...
-
Hoti: Banka Botërore e demantoi propagandën e pushtetit se ka zhvillim ekonomik
Deputeti i Lidhjes Demokratike të Kosovës, Avdullah Hoti, ka thënë se Qeveria...
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...
-
Nervozohet Vuçiq: Veprimi i “neveritshëm”, duan t’i heqin sanksionet Kosovës
“Në Bashkimin Evropian tani kanë nisur një mekanizëm për heqjen e sanksioneve...
-
Të shtëna me armé në një lokal në magjistralen Prishtinë – Ferizaj
Policia e Kosovës ka arrestuar dy persona pasi njëri prejt tyre ka shtënë me ...