Ende s’ka datë për takimin Kurti-Vuçiq, mund të ndodhë në gjysmën e dytë të korrikut
Autori: Gazeta inFokus 10:38 | 11 July 2022
Përkundër paralajmërimeve për një takim në muajin korrik, ndërmjet kryeministrit të Kosovës, Albin Kurti dhe presidentit të Serbisë, Aleksandar Vuçiq, ende s’ka një datë zyrtare.
Mirëpo, takimi i tretë i nivelit të lartë të dialogut Kosovë-Serbi në Bruksel, mund të ndodhë në gjysmën e dytë të korrikut.
Nga Qeveria e Kosovës thonë se janë në pritje të ftesës për takim, por kjo varet nga ndërmjetësuesit e dialogut, ndërsa nga Bashkimi Evropian nuk tregojnë ndonjë datë për takim, por shtojnë se të njëjtën do të deklarojnë kur do të jetë e nevojshme.
Zëdhënësja e Qeverisë së Kosovës, Rozafa Kelmendi, thotë për KosovaPress, se për takimin Kurti-Vuçiq është folur nëpër takime të ndryshme, mirëpo ende s’ka diçka konkrete.
Ajo bën të ditur se para takimit të nivelit të lartë do të ketë takim të kryenegociatorëve.
“Është folur nëpër takime të ndryshme mundësia për takim të kryenegociatorëve dhe pastaj edhe të krerëve shtetërorë, Kryeministrit të Kosovës dhe Presidentit të Serbisë. Mirëpo ende nuk ka ftesa zyrtare. Nëse do të ngjajnë këto takime, ato do të jenë në gjysmën e dytë të korrikut. Kjo varet nga ndërmjetësuesit në Bruksel, z.Borrell dhe z.Lajçak”, thotë ajo për KosovaPress.
Nga ana tjetër, zëdhënësi i BE-së, Peter Stano në një përgjigje për KosovaPress, tha se për datën dhe agjendën e takimit do të njoftojnë kur do të jetë e nevojshme.
“Si gjithmonë, ne do të njoftojmë çdo takim të ardhshëm të dialogut nëse dhe kur është e nevojshme”, tha shkurt ai.
Takim Kurti-Vuçiq gjatë muajit korrik, pret edhe njohësi i procesit të dialogut, Gazmir Raci.
Ai thotë se përkundër vendimit të Qeverisë së Kosovës për reciprocitet, s’ka arsye të forta për t’u ndalur dialogu.
“Nuk ka arsye të forta për t’u ndaluar procesi i dialogut të Brukselit. Edhe të kaluarën kemi pasur shumë vendime të njëanshme të institucioneve të Kosovës, por asnjëherë ato nuk e kanë rrezikuar në masë të madhe zhvillimin e dialogut. Palët tashmë duhet të koncentrohen në arritjen e marrëveshjes finale në mes Kosovës dhe Serbisë, me ndërmjetësimin e BE-së dhe mbështetjen e fuqishme që po i japin ShBA-të. Andaj, energjinë mbështetëse ndërkombëtare duhet të fokusohen në drejtim që dy palët të ulen përfundimisht në tryezën e bisedimeve në nivelin më të lartë të mundshëm, pasi nuk duhet të humbet kohë më në çështje teknike dhe t’i jepet fund procesit të dialogut që ka filluar prej vitit 2011 e këndej”, thotë ai për KosovaPress.
Optimist për takim mes kryeministrit Kurti dhe presidentit Vuçiq, u shpreh edhe i dërguari i posaçëm i BE-së për dialog, Miroslav Lajçak, javën e kaluar në formumin e Dubrovnikut në Kroaci. Madje, paralajmëroi se janë disa marrëveshje ndërmjet dy vendeve gati për t’u nënshkruar.
Pas arritjes së marrëveshjes për energjinë më veri, u paralajmërua se shumë shpejt mund të ndodhë takimi i nivelit të lartë të dialogut Kosovë-Serbi. Mirëpo, pas vendimit të Qeverisë së Kosovës për reciprocitet në letërnjoftime dhe largim të targave ilegale serbe në vend, presidenti serb, Vuçiq, mohoi një takim të tillë.
Kurti dhe Vuçiq në kuadër të dialogut të Brukselit janë takuar vetëm dy herë, ndërsa takimin e tretë joformal e kanë pasur muaj më parë në Berlin.
Të tjera
-
Kurti: Serbia të dorëzojë në Kosovë terroristin Radoiçiqin
Kryeministri i Republikës së Kosovës, Albin Kurti, nga Samiti i liderëve që p...
-
Varhelyi nga Mali i Zi: Plani i rritjes është duke u realizuar
Komisioneri Evropian për Zgjerim, Oliver Varhelyi ka thënë se plani i rritjes...
-
Ministrja Gërvalla mban konferencë për media
Ministrja e Punëve të Jashtme, Donika Gërvalla, do të mbajë sot konferencë pë...
-
Letra e Gërvallës, Agon Maliqi thotë se do të trajtohet si tallje nga ndërkombëtarët
Njohësi i çështjeve politike, Agon Maliqi, ka shkruajtur në profilin e tij në...
-
Haki Abazi e shpall vdékjen e Qeverisë Kurti, hap “të pame” në Kuvend
Ish-deputeti i Lëvizjes Vetëvendosje, tani i pavarur, Haki Abazi, simbolikish...
-
Gjakovari arratiset pasi bën për spital gruan dhe djalin
Një grua ka raportuar në polici se një person ka ushtruar dhunë fizike ndaj s...
-
18 raste të dhúnës në familje brenda dy ditëve në Kosovë
Dhuna në familje vazhdon të mbetet njëri ndër problemet më serioze në shoqëri...
-
Çka thuhet në letrën e Gërvallës për Asociacionin që iu dërgua Këshillit të Evropës?
Ministrja e Jashtme e Kosovës Donika Gërvalla, ka njoftuar se i ka dërguar nj...
-
Gjendet një mjet i dyshimtë në Mitrovicë
Një person ka njoftuar se gjatë kryerjes së disa punimeve ka hasur në një mje...
-
Nëntë raste të dhu*nës në familje brenda një dite në Kosovë
Nëntë raste të dhunës në familje janë raportuar gjatë 48 orëve të fundit në K...
-
Dërgimi i draft-statutit të Asociacionit në Kushtetuese, Knaus: Vuçiqit kjo nuk do t’i pëlqejë
Reagime të shumta kanë nisur pasi Qeveria e Kosovës ka bërë sot të ditur se ë...
-
Qëllohet me ārmë një veturë në Fushë Kosovë, i dyshuari ik nga vendi i ngjarjes
Një person ka raportuar dje pasdite në polici se derisa ka qenë në veturë me ...