Lajme

E quan ish anëtare të partisë, Manxhuka i reagon Von Cramon për akuzat se po kufizojnë lirinë e shprehjes

Autori: Gazeta inFokus 11:35 | 28 March 2024

Zëdhënësi i Lëvizjes Vetëvendosje, Arlind Manxhuka, i ka reaguar Raportueses për Kosovën në Parlamentin Evropian, Viola von Cramon, pasi kjo e fundit ka thënë se është e vërtetë që Lëvizja Vetëvendosje ka një ushtri digjitale e cila kufizon lirinë e shprehjes në Kosovë.

Këtë Von Cramon e ka thënë teksa ka shpërndarë një shkrim të “Balkan Insight”, ku ish-zyrtarë të VV-së kanë konfirmuar ekzistencën brenda të VV-së të “ushtrisë digjitale”.

-Advertisement-

Manxhuka ka thënë se i vjen keq që edhe një herë i duhet të dementojë “deklarimet false” të ish-zyrtarëve të VV-së.

Manxhuka ka bërë thirrje që edhe të tjerët të përmbahen nga përhapja e “lajmeve të rreme”, duke shtuar se VV-ja beson në lirinë e fjalës për të gjithë qytetarëve.

“Na vjen keq që edhe një herë duhet të mohojmë pretendime të tilla të rreme, të parashtruara nga ish-anëtarë të partisë sonë edhe sot e kësaj dite. U bëjmë thirrje të tjerëve që të përmbahen nga përhapja e lajmeve të tilla të rreme. Lëvizja jonë beson në lirinë e fjalës për të gjithë qytetarët dhe i përmbahet standardeve të saj më të larta”, ka shkruar Manxhuka.

Subscribe në YouTube: GAZETA INFOKUSI
Afati i fundit për regjistrime në programin MSc. Data Science & Analytics në UNI – Universum International College – Powered…

Të tjera

Fokusi

lajme