Drejtori menaxhues i Fondit Kosovar për Garanci Kreditore, Besnik Berisha, ka treguar në detaje përfitimet e bizneseve nga Masa 2.2 që ka të bëjë me mbështetjen e bizneseve për qasje në financa.

Berisha në një diskutim mbi zbatimin e pakos së ringjalljes ekonomike dhe mbështetjen e bizneseve për financa ka thënë se numri i saktë i bizneseve përfituese është 8 mijë e 30 biznese.

“Numri i bizneseve që kanë përfituar nga skema garantuese që nga themelimi është 8030 biznese, që faktikisht sipas shifrave të fundit, ndërsa vetëm gjatë pakos së rimëkëmbjes ekonomike që ka filluar në janar të 2021 dhe që ka përfunduar me 31 dhjetor të 2021 saktësisht është 1720 biznese. Dmth këto biznese kanë përfituar nga një kreditim prej 104-105 milion  euro, në kuadër të pakos së rimëkëmbjes ekonomike këto 105 milion euro kredi janë ndarë në 1720 biznese ndërsa pjesa e gradacionit nga Fondi kosovar për garanci kreditore ka qenë 75 milionë”, ka deklaruar Berisha.

Në vazhdën e aktiviteteve të cilat mëtojnë të ngrisin vetëdijen rreth pakos së Ringjalljes Ekonomike, të aprovuar në korrik të vitit 2021, Instituti për Politika Zhvillimore (INDEP) ka organizuar diskutimin e radhës me temën “Zbatimi i pakos së Ringjalljes Ekonomike – Masa 2.2 / Mbështetja e Bizneseve për Qasje në Financa”, e ku mysafir ka qenë Drejtori menaxhues i Fondit Kosovar për Garanci Kreditore, Besnik Berisha.

Ai tregoi edhe disa kritere që Fondi Kosovar për Garanci Kreditore i shikon për të i ndihmuar bizneset.

“Ne si institucione kemi përcaktuar strategjinë tonë edhe objektiva institucionale së paku afatmesme që e dijmë se çka dojm me e ba gjithmonë në bashkëpunim me donatorët tanë edhe me qeverinë e republikës se Kosovës. Ne si objektiv kemi me ju ndihmu apo si qellim parësor prioritet kemi ndihme bizneseve prodhuese konsiderojmë që janë të sektorit strategjik për rritjen e konkurruesmërinë se ekonomisë tone kombëtare kemi si prioritet bujqësinë mendojmë qe zhvillimi i bujqësisë edhe nëse nuk ndikon ne eksportin e produkteve tona ne tregun rajonal edhe ndërkombëtar ndikon ne uljen e importit qe me pastaj do te rezultojë ne përmirësimin bilancit rektar të vendit tonë, këto janë dy sektor shumë të rëndësishëm, kemi ne agjendën tone investimet qe përkrahin ne investimet që rritin efikasitetin e shfrytëzimit të energjisë dhe gjenerimin e energjisë nga burimet e ripërtëritshme.. ndërmarrësit dhe bizneset që janë ne pronësi te grave ”, ka shtuar Berisha.

Ky aktivitet zbatohet me mbështetjen e ‘Balkan Trust for Democracy’, një projekt i ‘German Marshall Fund of the United States’ dhe USAID. /Gazeta Infokus/