Lajme

Diaspora investon duke blerë banesa

Autori: Gazeta inFokus 20:52 | 15 January 2023

Rreth 650 milionë euro u investuan nga jashtë në Kosovë, në dhjetë muajt e parë të vitit që shkoi. Por nga investimet e huaja direkte që kryesisht janë të mërgimtarëve, përfitoi më së shumti sektori i patundshmërive, me 440 milionë euro.

Interesimin në rritje të mërgimtarëve për këtë, e konfirmon edhe agjencioni Access. Pronari Burim Halili thotë se qytetarët nga diaspora janë të interesuar kryesisht për blerje të banesave, lokaleve dhe toka, ndërsa më 2022 kishte rritje të blerjeve nga ta. Madje, në shumë banesa nuk banon kush gjatë pjesës më të madhe të vitit.

Por kjo nuk sjell aq efekte në ekonomi, sipas njohësit Safet Gërxhaliu, i cili thotë se investimet e huaja direkte duhet të fokusohen në tjerë sektorë. Sipas tij, qeveria duhet ta stimulojë diasporën për investime në prodhim, por edhe të tërheq investitorë tjerë.

-Advertisement-

Sipas Bankës Qendrore, investime të huaja direkte ka edhe në financa, sigurime dhe ndërtimtari. Kurse paratë vijnë kryesisht nga Gjermania, Zvicra dhe Amerika./klankosova/

Subscribe në YouTube: GAZETA INFOKUSI
Comodita në Gjermani shpalos koleksionin e produkteve të reja në panairin Heimtextil në Frankfurt

Të tjera

Fokusi

lajme