Dhurohet gjak për viktimat e aksidenteve në trafik
Autori: Gazeta inFokus 15:02 | 18 November 2017
Me qëllim të përkujtimit të viktimave në trafikun rrugor Kolegji “Tempulli”, në bashkëpunim me Qendrën Kombëtarë të Kosovës për Tranfuzionin e Gjakut kanë organizuar dhurim vullnetar të gjakut për t’iu dal në ndihmë viktimave në trafik.
Në ambientet e këtij kolegji u pa një numër i madh i studentëve, të cilët kishin shprehur interesim për të dhuruar gjak dhe për t’iu dalë në ndihmë të lënduarve gjatë aksidenteve rrugore.
Drejtori i Kolegjit të Shkencave të Aplikuara Teknike, “Tempulli”, Muhamet Krasniqi tha se edhe Kosovë për herë të tretë shënohet ditën ndërkombëtare për dhurimin e gjakut e cila iu dedikohet viktimave të trafikut.
Sipas Krasniqi, kontribuues për numrin e madh të aksidenteve në Kosovë jemi ne qytetarët si në rolin e ngasësit por edhe në rolin e këmbësorit, duke mos respektuar rregullat ligjore të komunikacionit.
Ai po ashtu tha se çështja e sigurisë në rrugë nuk është duke u vendosur në agjendën e institucioneve vendore me qëllim që të ulet për 50 për qind numri i aksidenteve.
“Fatkeqësisht siguria në rrugë nuk është duke u vendosur në agjendën e asnjë institucioni dhe të askujt, mirëpo është lënë në qoshe… Ne për t’iu bashkuar komunitetit ndërkombëtar për siguri globale të cilët kanë vendosur një target për vitin 2020 që të përgjysmohet numri i aksidenteve, i të lënduare dhe i të vdekurve mbi 50 për qind, ne duhet të marrim masa konkrete me qëllim të arritjes së objektivave”, tha ai.
Sipas Krasniqit në këtë aksion për dhurimin e gjakut janë të përfshirë studentët e kolegjit “Tempull” dhe se përmes rrjeteve sociale ata kanë njoftuar edhe qytetarët për aksion.
Melania Gjocaj, menaxhere për marketing në Qendrën Kombëtarë të Kosovës për Tranfuzionin e Gjakut tha se qëllimi i këtij aksioni është t’u dalin në ndihmë pacientëve që kanë nevojë, pasi që kërkesat për gjak në vendin tonë për shkak të aksidenteve dhe sëmundjeve janë mjaftë të mëdha.
“Qendra Kombëtare e Kosovës për transfuzionin e gjakut në bashkëpunim me kolegjin “Tempulli”, kanë organizuar një aksion të dhurimit vullnetar të gjakut pikërisht në këtë kolegj me qëllim për t’i ndihmuar ata pacienta të cilët kanë nevojë për gjak më saktësisht për grupe specifike të gjakut, pasi që edhe kërkesat për gjak janë të mëdha gjithmonë, pasi që aksidente të ndryshme, sëmundje të ndryshme, nevoja urgjente për gjak… Dhe për shkak të ditës botërore të viktimave të aksidenteve të trafikut është organizuar ky aktivitet”, tha ajo.
Sipas saj, po shihet një interesim i madh si nga studentët, ashtu edhe nga stafi i këtij kolegji për të dhuruar gjak me qëllim që të shpëtohet një jetë. Gjocaj tha së i gëzon fakti se dhurues vullnetar ka edhe mosha më të vjetra por edhe të rinjë, të cilët duan ta provojnë këtë proces dhe të bëhen kështu dhurues të rregull të gjakut.
Aron Arifaj, student në kolegjin “Tempulli”, tha se është hera e parë që dhuron gjak, dhe se po ndihet shumë mirë.
“Kjo është hera e parë mendoj që duhet të gjithë me dhuru gjak sepse është një gjest shumë i mirë…Do të dhuroj prapë dhe po ndihem shumë mirë“, tha ai.
Ndërsa, Labinot Zekaj për KosovaPress ka thënë se është dhurues i rregullt i gjakut, pasi që ky gjest e forcon imunitetin dhe po ashtu kontribuon në shpëtimin e jetës së njeriut.
“Jam dhurues i rregullt i gjakut, preferoj me dhanë dy herë në vit gjak, kam bisedu me mjekun tim është mirë për forcimin e imunitetit dhe bënë mirë shpëton një jetë“, tha ai.
E për të disatën herë me radhë për të ndihmuar viktimat e aksidenteve rrugore ka dhuruar gjak edhe Naim Demolli, student i Tempullit, i cili tha se duke pasur parasysh që duke dhuruar gjak shpëton jetë, ka vendosur edhe sot të bëhet pjesë e këtij aktiviteti.
“Nuk e di saktësisht , mirëpo ka më shumë se 20 herë…Duke pas parasysh që duke dhuru gjak shpëtojmë jetë të tjera dhe për këtë arsye gjithmonë e kam pasur për bazë që të dhuroj gjak”, tha ai.
Ndryshe, e diela e tretë e muajit nëntor shënon Ditën Botërore për Përkujtim të Viktimave në Trafikun Rrugor.
Kolegji i Shkencave të Aplikuara Teknike “Tempulli” në bashkëpunim me Asociacionin Kosovar të Motorizmit “AMRKS”, si dhe me partnerët e Forumit të Kosovës për siguri në rrugë nesër para Teatrit Kombëtar do të ndez qirinj në nder të viktimave të cilët kanë humbur jetën në aksidente trafiku.
Të tjera
-
Konjufca: Kosova meriton dhe duhet të anëtarësohet pa kushtëzime shtesë në KiE
Në rastin e shënimit të 9 Majit, Ditës së Evropës, kryetari i Kuvendit Glauk ...
-
Takohen O’Brien, Escobar dhe Lajçak, i koordinojnë strategjitë për Kosovën e Serbinë
Asistent Sekretari i Departamentit të Shtetit, Jim O’Brien, ka pritur sot në ...
-
Osmani: Kosova storie suksesi e mbështetjes së SHBA-së, Serbia po punon kundrejt gjithçkaje
Presidentja e Kosovës, Vjosa Osmani, thotë se pati një diskutim përmbajtësor ...
-
Me tupana dhe flamuj, VLEN festë të madhe edhe në Tetovë
Me tupana dhe flamuj, VLEN feston edhe në Tetovë rezultatin zgjedhor për zgj...
-
Këto janë rezultatet nga numërimi i më shumë se gjysmës së votave në zgjedhjet kuvendare në Maqedoninë e Veriut
Komisioni Shtetëror i Zgjedhjeve ka filluar me publikimin e rezultateve të pa...
-
Zyra e BE-së në Kosovë shpall “Evropianin e vitit”
Zyra e Bashkimit Evropian në Kosovë për vitin e nëntë radhazi ka ndarë çmimin...
-
Presidencialet në RMV: Siljanovska Davkova po prin ndaj Pendarovskit
Kandidatja për presidente në Republikën e Maqedonisë së Veriut, Gordana Silja...
-
BDI shpall fitoren në Tetovë
Sot në Maqedoninë e Veriut, janë mbajtur dy procese zgjedhore. Është zhvil...
-
Holtgen: Kosova nuk është në rendin e ditës së Këshillit të Ministrave të KiE
“Çështja e Kosovës nuk është në agjendën e Këshillit të Ministrave javën e ar...
-
KSHZ: Zgjedhjet ishin korrekte, rezultatet e para do të shpallen para mesnate
Komisionit Shtetëror të Zgjedhjeve në konferencën e fundit për media ka njoft...
-
Katër të lënduar në një aksident mes një veture dhe një autobusi në rrugën Fushë Kosovë-Prishtinë
Katër persona janë lënduar në një aksident trafiku të ndodhur mes një veture ...
-
Asociacioni – pritë në rrugën e Kosovës drejt KiE-së
Për t’i mbështetur përpjekjet e Kosovës për anëtarësim në Këshillin e Evropës...