Lajme

Koncerti i zgjerimit në Bruksel me këngën nacionaliste serbe, “Oj Kosovo, Kosovo”, Ambasadori Bajrami: KE të jap sqarime menjëherë

Autori: Gazeta inFokus 23:02 | 15 November 2026

Ambasadori i Kosovës në Bruksel, Agron Bajrami ka reaguar pasi në koncertin hapës të Forumit të Zgjerimit të Bashkimit Evropian në Bruksel është interpretuar kënga nacionaliste serbe “Oj Kosovo, Kosovo”.

Bajrami ka thënë se kjo nuk përbën shkëmbim kulturor, por promovim të pretendimeve politike ndaj territorit të Republikës së Kosovës.

Ai ka kërkuar sqarim të menjëhershëm nga Komisioni Evropian dhe komisionarja për Zgjerim, Marta Kos, lidhur me mënyrën se si është përzgjedhur dhe miratuar ky repertor.

-Advertisement-

Ai ka theksuar se vlerat evropiane dhe marrëdhëniet e mira fqinjësore nuk mund të pajtohen me promovimin e pretendimeve irredentiste ndaj një vendi që synon anëtarësimin në BE.

“Në koncertin hapës të Forumit të Zgjerimit të Bashkimit Evropian në Bruksel, të organizuar nga Komisioni Evropian nën udhëheqjen e komisionares Marta Kos, u interpretua kënga nacionaliste serbe “Oj Kosovo, Kosovo”. Kjo nuk është shkëmbim kulturor. Kjo këngë përcjell pretendime të qarta politike mbi territorin e Republikës së Kosovës. Përfshirja e saj në një ngjarje zyrtare të Komisionit Evropian, kushtuar zgjerimit, unitetit dhe marrëdhënieve të mira fqinjësore, është e papranueshme. Republika e Kosovës pret një sqarim të menjëhershëm nga Komisioni Evropian dhe komisionarja Kos se si është përzgjedhur dhe miratuar ky repertor. Vlerat evropiane, marrëdhëniet e mira fqinjësore dhe besueshmëria e procesit të zgjerimit të BE-së nuk mund të pajtohen me ofrimin e një platforme për pretendime irredentiste kundër një vendi që synon anëtarësimin në Bashkimin Evropian”, ka shkruar Bajrami në “X”. /Gazeta Express

Etiketa:
Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy