Fokus

Dalin fakte të reja, si iu refuzoheshin grantet fermerëve që nuk jepnin ryshfet

Autori: Gazeta inFokus 11:15 | 26 February 2021

Pas rastit të parë që u publikua nga Gazeta inFokus, për fermerin nga Krusha e Rahovecit që rrëfente se si iu kërkua ryshfet për grantin për rritjen e viçave të cilin e kishte fituar me 88.88 të pikëve në Ministrinë e Bujqësisë, kanë dalë edhe raste të tjera të ngjashme.

Edhe tre raste të tjera të ngjashme, janë lajmëruar në redaksinë e Gazetës inFokus. Por asnjë nga fermerët nuk ka guxim të flas publikisht për të rrëfyer ngjarjet e tyre nga frika se mund t’iu hakmerren në Ministrinë e Bujqësisë.

Megjithatë, ata kanë të përbashkët një element. Asnjëri nuk i plotësonin “kushtet” për ryshfet dhe iu refuzuan grantet, shkruan Gazeta inFokus.

-Advertisement-

Nga të gjitha këto rrëfime e ngjashme është arsyeja që zyrtarët e ministrisë kanë përdorur për të hequr këta persona nga lista e përfituesve.

Sikurse në rastin e fermerit nga Krusha, Bedri Duraku edhe në rastet e tjera arsye e refuzimit ishte vonesa për të sjellë faturat.

Durakut ka thënë se kjo ishte një arsye e kotë pasi ai as nuk i kishte vonuar faturat ashtu siç pretendohej në arsyen nga Ministria.

“Arsyen për kthimin prapë të lëndës e kishin vetëm sa për sy e faqe se kinse unë jam vonuar për dorëzimin e faturave, 34 ditë nëse nuk gaboj kështu më kanë thënë. Kur e mora ta shikoj nuk më dilnin ditët që jam vonuar por para se të shkoj lënda herën e parë përmes tjerëve jo direkt më kanë thënë duhesh me dhanë pare dhe unë nuk jam mësuar me dhanë në këtë mënyrë pare se isha mësuar me meritë. Dhe unë i thashë po takohemi dhe fillimisht i thashë sa po donë ti e kisha plan me i shkruar paret që po i kërkojnë dhe me i paraqit në policinë për krime ekonomike atëherë ata me ra në kurth por ata nuk pranuan me u taku”, deklaroi Duraku për inFokus.

Nga rasti “subvencioni 2021” numri i të arrestuarve ka shkuar në 22, ndërsa njëri nga ta Agim Nuha është liruar të enjten.

Fillimisht të mërkurën nga njësi speciale u arrestuan 10 zyrtarë të institucioneve shtetërorë dhe 2 qytetarë, ndërsa 9 persona të tjerë janë arrestuar të enjten.

Sot para Gjykatës kanë dalë 11 personat që u arrestuan të mërkurën./Gazeta inFokus/

Subscribe në YouTube: GAZETA INFOKUSI
Marsi sjell Magji në ETC
-Advertisement-

Të tjera

Fokusi

fokus