Fokus

Prokuroria nis hetimet pas raportimit të Infokusit për ndërhyrjen e Martin Berishajt në procesin zgjedhor

Autori: Gazeta inFokus 17:48 | 06 February 2025

Pas raportimit të Gazetës Infokus, Prokuroria Themelore e Prishtinës ka nisur hetime të reja kundër ambasadorit të Kosovës në Kroaci, Martin Berishaj.

Sipas një njoftimi të Prokurorisë, hetimet nisën për keqpërdorime të mundshme të ambasadorit Berishaj në procedurën e transportimit të votave të qytetarëve të Republikës së Kosovës në diasporë.

Gazeta Infokus raportoi ekskluzivisht se Martin Berishaj ka vepruar jashtë çdo procedure zyrtare duke marrë vetë të gjitha zarfet me fletëvotime nga posta dhe duke i dërguar në ambasadë.

-Advertisement-

Për shkak të këtyre dyshimeve, Prokuroria Themelore në Prishtinë ka njoftuar se ka nisur hetimet.

“Prokuroria Themelore në Prishtinë, njofton se në vazhdën e aktiviteteve për ruajtjen dhe mbarëvajtjen e procesit zgjedhor, pas raportimeve për keqpërdorimet e mundshme të Ambasadorit M.B. rreth procedurës së transportimit të votave të qytetarëve të Republikës së Kosovës në diasporë, ka filluar ndërmarrjen e veprimeve të nevojshme hetimore nëse në raportimet në fjalë përmbushen elementet e ndonjë vepre penale që ndërlidhet me procesin e zgjedhjeve, me qëllim të ruajtjes së këtij procesi”, thuhet në njoftimin e prokurorisë.

Për raportimet lidhur me dyshimet për përfshirjen e ambasadorit Martin Berishaj në procesin zgjedhor ka reaguar edhe KQZ-ja.

Nga KQZ në një përgjigje për Paparacin kanë bërë të ditur se do të vlerësojnë nëse tërheqja e pakove me fletëvotimë është bërë sipas ligjeve në fuqi.

“Lidhur me lajmin që po qarkullon për tërheqjen e pakove me fletëvotime nga kutia postare e KQZ-së në Zagreb (Kroaci), sqarojmë se do të vlerësohet nëse tërheqja e pakove me fletëvotime nga kjo kuti postare është bërë sipas akteve nënligjore dhe KQZ do të marrë vendim meritor”, ka thënë Valmir Elezi, zëdhënës i KQZ-së.

Gazeta Infokus ka kontaktuar edhe ambasadën e Kosovës në Kroaci për të mësuar detaje shtesë në lidhje me këtë rast, mirëpo nuk ka pranuar akoma përgjigje. /Gazeta Infokus

 

Skandal: Martin Berishaj i merr zarfat me vota nga posta dhe i dërgon në ambasadë

 

Konfirmohet raportimi i Infokusit – Martin Berishaj mori votat pa praninë e vëzhguesve, KQZ pritet t’i anulojë

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

fokus