Balla ultimatum krerëve të PS: Ose kryetarin, ose drejtorin. Ja kush ikën
Autori: Gazeta inFokus
09:39 | 02 November 2017
Sekretari i Përgjithshëm i PS-së, Taulant Balla, u kërkoi 10 kryetarëve të PS-së në bashki që të heqin dorë nga postet drejtues në administratë.
RAMA-RUCI-BALLA
Ai ka mbledhur 61 drejtuesit socialistë në çdo bashki dje në Tiranë, me të cilët ka diskutuar problematikën paszgjedhore në PS.
Në mbledhjen e fundit të Asamblesë, problematik ka qenë fakti se disa drejtues socialistë, të cilët paguhen nga partia për të drejtuar degën e saj në bashki, mbanin edhe poste drejtorësh, duke krijuar probleme dhe me strukturat lokale.
Balla u kërkoi atyre se duhet të zgjedhin ose postin e kryetarit të degës, ose postin e drejtuesit në administratë. Mësohet se nga 10 kryetarë degësh, tre kanë pranuar që të heqin dorë nga drejtimi i partisë duke mbajtur postin e drejtorit, siç ishin kryetari i PS-së së Bashkisë Peqin, Edurim Teqja, ai i PS-së së Bashkisë Gjirokastër, Flamur Golemi, dhe PS-së së Bashkisë Lushnjë, Lindita Buxheli.
Në këtë mënyrë, në këto bashki por dhe në Bashkinë Lezhë, do të zhvillohen zgjedhjet për kryetarin e PS-së, pasi kryetarja e PS-së Lezhë, Ardiana Jaku, mori postin e zv.ministres së Shëndetësisë. Zgjedhjet do të bëhen më 15 dhjetor dhe për kreun e PS-së në këto katër bashki do të votojë anëtarësia përmes parimit një anëtar-një votë.
Sipas statutit të PS-së, posti i kryetarit të PS-së së bashkisë është i papajtueshëm me çdo post në administratë. Në këtë mënyrë, kreu i PS-së nuk mund të mbajë edhe detyrën e drejtorit në një ent publik apo institucion, ai është funksionar me rrogë dhe kohë të plotë. Mandati i kryetarit të PS-së në bashki matet me rezultatin e Partisë Socialiste në zgjedhjet lokale, ndërsa kryetarët e organizatave vlerësohen për rezultatet në çdo zgjedhje, si ato lokale, ashtu edhe ato parlamentare.
Në këtë mënyrë, edhe pse në disa bashki PS ka marrë rezultat më të dobët se në zgjedhjet parlamentare të vitit 2013, kryetarët e PS-së në këto bashki do të vijojnë punën, ndërsa gjykimi për to do të bëhet pas zgjedhjeve vendore të vitit 2019. Ndërkaq, në PS vijon procesi zgjedhor për kryetarët e organizatave, pas analizave të bëra pas zgjedhjeve parlamentare.
Sekretari i Përgjithshëm Taulant Balla ka kërkuar përsëritjen e zgjedhje në ato raste kur rezultati në qendrën e votimit që mbulon ajo organizatë ka qenë më i ulët se në zgjedhjet e kaluara. Për këtë qëllim, ai ka propozuar shtyrjen e zgjedhjeve të brendshme deri më 30 nëntor.
Krerët e degëve të PS që nuk e arritën objektin në zgjedhje
Dega e PS Elbasan, Ardit Demiri, minus 288 vota
Dega e PS Cërrik, Gëzim Salla, minus 1,162 vota
Dega e PS Peqin, Edurim Teqja, minus 2,957 vota
Dega e PS Përrenjas, Haxhi Çollaku, minus 485 vota
Dega e PS Shkodër, Arvit Osja, minus 2,285 vota
Dega e PS Vau i Dejës, Kristian Shkreli, minus 547 vota
Gega e PS Pogradec, Bledi Çomo, minus 1,524 vota
Dega e PS Pustec, Jani Ago, minus 127
Dega e PS Devoll, Eroldi Begolli, minus 2,340 vota
Dega e PS Kuçovë, Sybi Shehu, minus 465 vota
Dega e PS Skrapar, Edmond Omeri, minus 226 vota
Dega e PS Dibër, Afrim Mikli, minus 1,452 vota
Dega e PS Këlcyrë, Hodjan Selmani, minus 387 vota
Dega e PS Kavajë, minus 1,939 vota
Dega e PS Kamëz, minus 353 vota
Dega e PS Rrogozhinë, Haxhi Memolla, minus 477 vota
ARISTIR LUMEZI/PANORAMA

T� tjera
-
Një person pa shenja jete në Istog, policia jep detaje
Një person i gjinisë mashkullore është gjetur pa shenja jete mëngjesin e sotë...
-
Protestojnë mjekët e rinj, studenti kundërshton Kurtin: 534 mjekë në Kosovë janë të papunë
Mundësi të rregullta punësimi, konkurse transparente për specializime dhe pag...
-
Balla poston videon e Jakup Krasniqit: Shqipëria dhe Kosova i duan në shtëpi komandantët e lirisë
Shefi i deputetëve socialistë në Parlamentin shqiptar, Taulant Balla, ka shpë...
-
Lirimi i të akuzuarve për vra*sjen e trefishtë në Gllogjan, gjykata arsyeton se asnjë dëshmitarë nuk e ka identifikuar autorin
Gjykata Themelore në Pejë ka shpallur aktgjykim lirues ndaj tre të akuzuarve,...
-
Hoti: Qeveria nuk mori masa kundër shtrenjtimit, bizneset me fatura trefish më të larta të energjisë
Deputeti nga Lidhja Demokratike e Kosovës, Avdullah Hoti, kritikon Qeverinë p...
-
Nga Kosova mashtruan 85 të moshuara në Norvegji, grupi bënte jetë luksoze
Policia norvegjeze është duke zbardhur një rrjet të madh mashtrimi në rajonin...
-
Prezantohet roboti pa pilot për FSK-në, “Made in Kosova”
Ministri i Mbrojtjes, Ejup Maqedonci ka bërë të ditur se për nevojat e Forcës...
-
Jakup Krasniqi përshëndet familjarët nga oborri i shtëpisë, ata nga ballkoni
Ish-kryetari i Kuvendit të Kosovës, Jakup Krasniqi, ka mbërritur edhe mëngjes...
-
Aksion policor në tri lokacione, arrestohen katër persona dhe konfiskohen afro 15 kilogramë marihuanë
Katër persona janë arrestuar në një aksion të Policisë së Kosovës, i zhvillua...
-
Jakup Krasniqi mbërrin në shtëpinë e tij në Velani në ditën e katërt të vizitës
Ish-kryetari i Kuvendit të Kosovës, Jakup Krasniqi, ka mbërritur sërish në sh...
-
46 aksidente dhe 2396 gjoba trafiku brenda 24 orëve
Policia e Kosovës ka publikuar raportin ditor me të dhëna të përgjithshme për...
-
Zhduket një vajzë në Prizren
Një vajzë është zhdukur në Prizren, ka njoftuar Policia e Kosovës. Ngjarjen ...

































