Lajme

Aksion i madh policor në Prizren, Suharekë e Dragash – ka të arrestuar për bixhoz të paligjshëm

Autori: Gazeta inFokus 21:04 | 04 November 2026

Një aksion i gjerë policor kundër organizimit të paligjshëm të lojërave të fatit është duke u zhvilluar në disa komuna të rajonit të Prizrenit.

Bastisjet po zhvillohen njëkohësisht në Prizren, Suharekë dhe Dragash, ndërsa deri më tani janë përfshirë rreth 20 lokacione të ndryshme.

Lajmin e ka konfirmuar për “Front Online” kryeprokurori i Prokurorisë Themelore në Prizren, Petrit Kryeziu i cili ka bërë të ditur se aksioni është ende në zhvillim dhe se ka persona të arrestuar.

-Advertisement-

“Bastisjet janë duke u kryer deri më tani në rreth 20 lokacione të ndryshme. Mund të konfirmoj se ka edhe të arrestuar”, ka deklaruar Kryeziu.

Sipas informacioneve fillestare, operacioni po zhvillohet nga Drejtoria për Hetimin e Krimeve Ekonomike, pas një periudhe të gjatë të vëzhgimit dhe hetimeve lidhur me aktivitetet e dyshuara të paligjshme të lojërave të fatit.

Aksioni policor është ende në vazhdim, ndërsa detaje të tjera lidhur me numrin e të arrestuarve dhe provat e sekuestruara pritet të bëhen të ditura pas përfundimit të operacionit.

 

VIVA FRESH E SHPALL KREEEEJT MUAJIN BLACK NOVEMBER!
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy