Sport

Agim Ademi përcjell nga afër garën e 10 klubeve shqiptare për Kupën e Diasporës në Gjermani

Autori: Gazeta inFokus 11:57 | 25 June 2022

Kryetari i Federatës së Fubollit të Kosovës, Agim Ademi, këtë fundjavë është duke qëndruar në Offenbach, ku do të përcjellë nga afër garën e 10 klubeve shqiptare për Kupën e Diasporës në Gjermani, shkruan Gazeta Infokus.

Këtë e ka konfirmuar vetë Ademi përmes një postimi në rrjetin social “Facebook”, ku ka bërë të ditur se fituesi i kësaj gare si dhe fituesi i Kupës së Diasporës në Zvicër do të luajnë në vjeshtë me fituesin e Kupës së Kosovës për Superkupën Kosovë-Diasporë.

Gjithashtu, ai ka thënë se e kemi obligim të mbështesim diasporën dhe t’u japim hapësirën e nevojshme për t’i promovuar vlerat e tyre edhe në futboll.

“Bashkëatdhetarët tanë kanë dhënë kontribut të jashtëzakonshëm për vendin tonë në vazhdimësi, prandaj e kemi obligim që t’i mbështesim dhe t’u japim hapësirën e nevojshme për t’i promovuar vlerat e tyre edhe në futboll”, ka shkruar i pari i FFK-së./Gazeta Infokus/

Të tjera

Fokusi

sport