Lajme

Abdixhiku pret në takim ambasadorin britanik: Në këtë moment, Kosovës i duhen gjithë miqtë e saj

Autori: Gazeta inFokus 14:52 | 07 June 2023

Kryetari i Lidhjes Demokratike të Kosovës, Lumir Abdixhiku, sot ka pritur në takim ambasadorin e Britanisë së Madhe në Kosovë, Nicholas Abbot.

Në njoftimin e LDK-së thuhet se në takim është diskutuar për situatën aktuale politike “me theks të veçantë gjendjen e tensionuar në veri të vendit”.

“Kryetari Abdixhiku e njoftoi ambasadorin Abbott për qëndrimin e LDK-së për tensionet në veri si dhe nevojën që në momente të tensioneve e provokimeve nga Serbia, ecja e përbashkët me aleat për të përballuar një krizë është domosdoshmëri. Në këtë moment, Kosovës i duhen gjithë miqtë e saj; përplasja me ta është devijim strategjik e dështim diplomatik me pasoja afatgjata”.

-Advertisement-

“Kryetari Abdixhiku ka falënderuar ambasadorin Abbott dhe Britaninë e Madhe si partner strategjik për rolin dhe kontributin e saj në forcimin dhe konsolidimin e shtetit të Kosovës.”

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan

Të tjera

Fokusi

lajme