Sport

A do të kthehet te Barcelona? Neymar përgjigjet: Mos më çani trapin (video)

Autori: Gazeta inFokus 12:59 | 31 January 2019

Ylli brazilian i PSG-së, që ka pësuar dëmtimin e radhës dhe pritet të mungojë deri në mars, duke humbur edhe përballjet e Ligës së Kampionëve me Manchester United, duket më i frustruar se kurrë. Kjo, edhe për shkak se mediat vijojnë të shkruajnë për të, se dëshiron të kthehet te Barcelona, skuadra ku pati kulmin e vet në nivel klubi dhe prej nga u lirua për shumën rekord botëror të 222 milionë eurove.

Neymar, edhe pse po ecte me patericë, duke zbritur nga makina, u përball me gazetarët, me të njëjtën pyetje: a do të kthehesh te Barcelona? Ai shpërtheu para kësaj pyetjeje, me përgjigjen “mos më çani trapin”, ndërkohë që shqetësimi madhor është dëmtimi, që thuhet se është i njëjti me atë të një viti më parë, kur iu desh të operohej e të qëndronte tre muaj pushim absolut.

Ta pyesësh atë në këtë moment, nëse do ta lërë PSG-në, kur ka dyshime për vazhdimësinë e karrierës, për shkak të lëndimeve të shpeshta, është sit ë “përmendësh litarin në shtëpinë e të varurit”. Ndaj edhe ky shpërthim duket mëse i ligjshëm përpara mediave.

-Advertisement-

Subscribe në YouTube: GAZETA INFOKUSI
Etiketa:
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

sport