Sport

Gjysmëfinalja e Champions League, ndërprerja e energjisë rrezikon udhëtimin e Interit në Barcelonë

Autori: Gazeta inFokus 18:33 | 28 April 2025

Në mëngjesin e 28 prill, një pjesë e madhe e Spanjës është lënë në errësirë për shkak të një ndërprerjeje të papritur të energjisë elektrike, arsyeja e të cilës ende nuk është sqaruar.

Ky incident ka shkaktuar kaos në transport dhe shërbime, por gjithashtu ka pasur ndikim edhe në sport, me anullimin e programit të sotëm të turneut Masters 1000 në Madrid.

Ndërkohë, ky problem mund të ndikojë edhe në një ngjarje tjetër të rëndësishme: gjysmëfinalen e Ligës së Kampionëve, e cila është planifikuar për mbrëmjen e së mërkurës mes Barcelonës dhe Interit.

-Advertisement-

Saktësisht, udhëtimi i Interit për në Barcelonë mund të përballet me vështirësi për shkak të kaosit të shkaktuar nga ndërprerja e energjisë elektrike.

Sipas planit, ekipit italian pritet t’i zhvillohet një stërvitje të hënën pasdite në Appiano Gentile, rreth orës 12:00. Pas një dreke në Pinetina, ata do të nisen për në Barcelonë në orët e pasdites.

Interi pritet të arrijë rreth orës 16:00 për një “shëtitje” tradicionale në Montjuïc, e cila i paraprin konferencës për shtyp, që është caktuar për orën 19:15 në stadiumin ku do të luhet ndeshja e parë e gjysmëfinales.

Për momentin, sipas informacioneve të disponueshme, programi i Interit mbetet i pandryshuar, edhe pse kaosi i shkaktuar nga ndërprerja e energjisë elektrike në Spanjë mund të shkaktojë vonesa apo ndryshime në oraret e fluturimeve.

UEFA po monitoron situatën dhe për tani, programet nuk kanë pësuar ndryshime, ndërsa pritet të shihet nëse problemi do të zgjidhet deri nesër.

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

sport