ATK për këto 20 vjet ka mbledhur 4 miliardë e 707 milionë euro tatime
Autori: Gazeta inFokus 13:21 | 17 January 2020
Në shënimin e 20-vjetorit të themelimit të Administratës Tatimore të Kosovës, presidenti Hashim Thaçi tha se ATK-ja 20 vjet më parë vuri themelet e strukturës që mundëson grumbullimin e tatimeve nga të gjithë në Kosovë.
Presidenti Thaçi theksoi se ATK është në rrugë të mirë dhe ka arritur shumë, kjo vetëm do ta forcon shtetin dhe ekonominë e Kosovës dhe besimin qytetarë.
Thaçi: Sukseset e ATK-së janë kolosale
“ATK është ndërtuar nga zero sikur shumë institucione të tjera të Republikës së Kosovës, por që kanë arritur suksese kolosale sot. Fillimisht bashkërisht me partnerët ndërkombëtar është dashur të ndërtohet korniza ligjore, të ngritën kapacitete pastaj të edukohen edhe qytetarët për pagesë. Me e rëndësishme që është ndërtuar besimi i qytetarëve te ATK, duke pasur parasysh përvojën e hidhur të raportit të qytetarëve me Serbisë më herët”, tha Thaçi.
Ai duke falënderuar partnerët ndërkombëtar, tha se natyrisht që ka kanë mbetur ende sfida, por edhe probleme që duhet të tejkalohen dhe të zgjidhen me praktika më të mira.
Drejtori i ATK Ilir Murtezaj me këtë rast tha se sot ATK shënon 20 vjetorin e themelimit të saj, ku përgjatë gjithë këtij rrugëtimi është ndeshur me sfida të mëdha, por në të njëjtën kohë ka arritur edhe sukses të jashtëzakonshëm , të cilat kanë reflektuar në përmirësimin e mirëqenies së qytetarëve të Kosovës.
Murtezaj: ATK për këto 20 vjet ka mbledhur 4 miliardë e 707 milionë euro tatime
“Si rezultat i punës profesionale, me integritet dhe ndershmëri, efektivitet dhe transparencë, ATK për këto 20 vjet ka mbledhur 4 miliardë e 707 milionë euro tatime, dhe 1 miliardë e 797 milionë euro kontribute. Përveç kësaj, ATK ka zhvilluar një strukturë organizative funksionale, e cila në pjesën më të madhe të saj është në harmoni me praktikat më të mira ndërkombëtare”, tha Murtezaj.
Zëvendës ministri i Financave në detyrë Mustaf Grainca, deklaroi se ATK-ja ka rritur integritet të lartë profesional dhe është dëshmuar si institucion kredibil.
Grainca: ATK me integritet të lartë
“ATK është një ndër institucionet me më shumë përgjegjësi kryesore për administrimin e tatimeve që me një detyrë fisnike dhe përgjegjësi të veçantë në Qeverinë e Republikës së Kosovës. Gjatë këtyre viteve ATK ka arritur nivelin e një institucioni kompetent me integritet të lartë profesional dhe është ngritur në nivel të ngjashëm me administratat moderne ndërkombëtare”, tha Grainca.
Ndërsa, në emër të komunitetit të bizneseve, drejtori i Odës Ekonomike Amerikane, Arian Zeka tha se janë të shumta të arriturat e ATK për 20 vjet edhe në aspektin legjislativ, por që kërkoi që të ketë edhe më tej bashkëpunim të ndërsjellë me bizneset në vend.
Zeka: Duhet ende punë për përmirësimin e mëtejmë të raporteve të ndërsjella
“Kanë ende shumë punë për të bërë për përmirësimin e mëtejmë edhe të raporteve të ndërsjella , natyrisht edhe të rritjes së besimit të bizneseve në Administratën Tatimore të Kosovës. Përpjekje edhe më të mëdha të ATK-së në luftimin e ekonomisë jo formale po ashtu edhe në ofrimin e mekanizmave të pavarur për zgjidhjen e kontesteve që bizneset mund të kenë në ATK dhe në Doganën e Kosovës”, tha Zeka.
Nga Zyra e BE-së në Kosovë Hilel Trand, , tha se Administrata Tatimore e Kosovës është në rrugë të mbarë për t’u modernizuar dhe se është duke luajtur një rol të rëndësishëm për qytetarët e Kosovës.
Në fund të ceremonisë së shënimit të përvjetorit të 20-të janë ndarë edhe çmime për kontribuuesit e mbledhjes së tatimeve si dhe për komunitetin e biznesit, ndër ta edhe një mirënjohje për Odën e Afarizmit të Kosovës. /I. Shabani/
Të tjera
-
Kurti, QUINT-it: Dialogu dhe anëtarësimi në KiE nuk duhet të përzihen
Kryeministri i Kosovës, Albin Kurti, i shoqëruar nga zëvendëskryeministri i p...
-
Lavrov flet në telefon për Kosovën me Bërnabiqin, Daçiqin e Gjuriqin
Ministri i Punëve të Jashtme të Rusisë Sergej Lavrov ka biseduar në telefon ...
-
Menduh Thaçi për Taravarin: Po a e dini sa ka vjedhë ai?
Menduh Thaçi i PDSH-së tha se ish-kandidati për president Arben Taravari “ka ...
-
Kurti takoi sot shefin e OSBE-së në Kosovë dhe ambasadorin e Zvicrës
Kryeministri Albin Kurti, ka mirëpritur gjatë ditës së sotme shefin e OSBE-së...
-
Lladrovci për Luan Haradinajn: Luani i UÇK-së, shtigjet e lirisë i njihte cep më cep, si fletë të historisë, ai i dinte përmendësh
Kryetari i Komunës së Drenasit, Ramiz Lladrovci dhe bashkëluftëtar të tjerë k...
-
Maqedonci: Evropa duhet të jetë e gatshme ndaj kërcënimeve të Rusisë
Delegacioni i Kosovës i udhëhequr nga zëvendëskryeministrja dhe ministrja e P...
-
Ngriten çmimet e paketave turistike në Shqipëri, operatorët fajin ia lënë kursit të euros
Paketat turistike për këtë sezon veror pritet të jenë më të shtrenjta krahasu...
-
Zhduket 30 vjeçarja nga Ferizaj – familjarët kërkojnë ndihmë, Policia në kërkim të saj
Mëngjesin e së hënës është zhdukur një vajzë 30 vjeçare nga Ferizaj. Lajmi u ...
-
DASH: Escobar nuk është shkarkuar, emërohet në një pozitë tjetër
Ndihmës sekretari amerikan i Shtetit Gabriel Escobar nuk është shkarkuar nga ...
-
Ish-koloneli i policisë: Bandat serbe po e vazhdojnë strategjinë e tyre me sulmet ndaj PK-së dhe KFOR-it
Rrahman Sylejmani, ish-kolonel i Policisë së Kosovës, ka thënë se sulmet që p...
-
“Kemi bërë 4 arkivolë, nusen do e përcjellim me 3 fëmijët”, flet vëllai i Edison Arrazit: Nuk është ushtruar dhunë…
Flet Edison Arrazi, vëllai i të dyshuarit Erdgys Arrazi: Është një ngjarje sh...
-
Gërvalla: Paqja në Evropë mund të sigurohet vetëm duke ndalur të gjithë së bashku Rusinë dhe Serbinë
Duke diskutuar rreth temës “Siguria Rajonale – Sfidë për Evropën”, bashkë me ...