Rozë

3 muaj pas ndarjes, Robert Berisha bën deklaratën e papritur: Jetoj me Norën dhe vajzën… (FOTO)

Autori: Gazeta inFokus 14:56 | 14 November 2019

Kanë kaluar tre muaj që kur Robert Berisha njoftoi me anë të një postimi në “Instagram” se është ndarë nga Nora Istrefi. Ndarja e tyre e cila erdhi në mënyrë të papritur, bëri menjëherë bujë dhe u komentua shumë në media dhe nga fansat e tyre.

Këngëtari i njohur ka dhënë intervista të shumta gjatë kësaj periudhe, ku ka folur edhe për një rikthim të mundshëm me Norën. Madje një gjë të tillë e ka thënë edhe mbrëmë në emisionin “Glamour Zone”.

“Ne nuk jemi ndarë. Ne nuk jemi bashkë! Ne nuk jemi nga ata çifte që i bëjmë gjërat me inat. Çfarëdo që shkruhet nëpër portale, nuk ka të bëjë me ne. E vërteta qëndron diku tjetër. Është personale. Por siç the edhe ti, mund të ketë një derë për rikthim. Pauzat janë shumë të mira. E sheh ku je, ku s’je”, u shpreh Roberti.

-Advertisement-

Ndërsa kur u pyet se me kë po jeton, Berisha bëri një deklaratë që i habiti të gjithë. “Roberti jeton edhe vetëm, edhe me Norën dhe gocën. Ajo është e vogël 4 vjeçe. Prishtina është e vogël, jetojmë edhe afër. kështu që, pak aty, e pak aty! Mbi të gjitha, ne do të jemi gjithmonë prindërit e Renees”, u shpreh këngëtari i njohur.