Lajme

Astrit Dehari përkujtohet edhe në Vjenë të Austrisë

Autori: Halil Berisha 19:19 | 05 November 2019

Këtë ditë, 3 vite më parë, në burgun e Prizrenit, ndërroi jetë, aktivisti i Vetëvendosjes, Astrit Dehari.

Njëherë, nga zyrtarët në Kosovë, u tha që rasti ishte vetëvrasje, shkruan gazeta inFokus.

Por, kështu nuk doli edhe tash, 3 vite pas, kur erdhi raporti i ekspertizës nga Institucioni i Mjekësisë Ligjore, në Llozanë të Zvicrës.

-Advertisement-

Aty, thuhet se vetëvrasja është pak e mundshme, derisa thonë që në vdekjen e Astrit Deharit, mund të ketë të përfshirë edhe persona të tretë, shkruan gazeta inFokus.

Tash, në përkujtim të tij, por edhe në kërkim të zbardhjes komplet të rastit, këtë 5 nëntor, u organizuan marshe, e u bën homazhe.

E homazhe u bën edhe në Vjenë të Austrisë, ku bashkëatdhetarë e aktivistë të qendrës së Vetëvendosjes në atë vend, ndezën qirinj para Ambasadës së Republikës së Kosovës në Austri.

Fotografi nga homazhet i publikoi kandidatja e VV-së për deputete, Tinka Kurti.

“Drejtësi për Astritin është kërkesë gjithëpopullore. Sonte në Vjenë, në trevjetorin e rënies së Astrit Deharit, me bashkatdhetarë të shumtë e aktivistë të Qendrës së LV këtu, u mblodhëm tek Ambasada e Republikës së Kosovës duke bërë homazhe në nderim të jetës dhe veprës së Astritit e duke përsëritur kërkesën për drejtësi. Nuk ndalojmë derisa të jetësohet dënimi për kriminelët dhe vënia e drejtësisë për Astritin”, ka shkruar Kurti./Gazeta inFokus/

Subscribe në YouTube: GAZETA INFOKUSI