Hendeku i thellë i pagave mes sektorit publik dhe privat
Autori: Gazeta inFokus 08:27 | 04 February 2019
Në dekadën e fundit në Kosovë, ka pasur rritje të pagave në sektorin publik dhe atë privat.
Sektori privat në Kosovë, i konsideruar si promotor i zhvillimit ekonomik dhe mundësisë për krijimin e vendeve të reja të punës, nuk po arrin të ndjekë trendin e rritjes së pagave siç po ndodh në sektorin publik, thonë përfaqësues të shoqatave ekonomike dhe përfaqësues të punëtorëve.
Ndryshe nga sektori privat, për punëtorët në sektorin publik në vazhdimësi ka pasur rritje të pagave.
Derisa në sektorin publik në vitin 2012, paga neto mesatare ka qenë 384 euro, sipas të dhënave të fundit, paga mesatare ka arritur në shumën prej rreth 500 euro.
Ndërkaq në sektorin privat, në vitin 2012 paga neto mesatare ishte 333 euro dhe që nga atëherë, kjo pagë është rritur për 15 euro, ose 384 euro në muaj.
Numri i të punësuarve në Kosovë, sipas të dhënave zyrtare është mbi 350 mijë.
Nga ky numër, në sektorin publik janë të punësuar rreth 85 mijë, kurse, rreth 250 mijë qytetarë të tjerë llogaritet që punojnë në sektorin privat.
Drejtori ekzekutiv i Odës Ekonomike Amerikane në Kosovë, Arian Zeka, tha për Radion Evropa e Lirë se rritja e pagave në sektorin publik po krijon mospërputhshmëri të pagave mes sektorit publik dhe privat.
“Sektori privat për shkak të vështirësive të shumta në operim, e ka të pamundur që të ndjekë trendet e vazhdueshme të pagave të rritura të shërbyesve publikë. Kjo po krijon një situatë ku sektori publik bëhet shumë më atraktiv sesa sektori privat. Kjo bën që edhe ankesat e bizneseve private për kuadrot e punës të jenë të arsyetuara, pasi që të gjithë punëkërkuesit dëshirojnë që të gjejnë një punë në sektorin publik, për shkak të pagave më të larta, sigurisë në punë dhe kushteve të tjera”, thotë Zeka.
Ndërkohë, të rinjtë e anketuar nga Radio Evropa e Lirë thonë se më shumë do të dëshironin të punon në sektorin publik.
Arsim Limani, student në Universitetin e Prishtinës, thotë se në sektorin publik ka kushte më të mira të punës.
“Arsyeja është pagat janë më të larta në sektorin publik. Në sektorin publik kur të punësohesh ke kontratë pune, pastaj zbatimit të Ligjit të punës që sektori publik bën, nuk e bën sektori privat. Ka shumë përparësi puna në sektorin publik krahasuar me atë në privat”, thotë ai.
Përfaqësues të Sindikatës së Pavarur të Sektorit Privat kritikojnë institucionet e vendit për gjendjen jo të mirë të të punësuarve në sektorin privat.
Jusuf Azemi, kryetar i kësaj Sindikate thotë për Radion Evropa e Lirë se shteti do të duhej të merrej më shumë në mbrojtjen e të drejtave të punëtorëve në sektorin privat.
Ai thotë se përveç pagave të ulëta, ky sektor përballet edhe me kushte të vështira në punë, siç është orari i stërzgjatur i punës dhe moszbatim të Ligjit të punës.
“Shteti i Kosovës po vepron atëherë kur po protestohet apo kur po bllokohet një institucion. Në rastin e sektorit privat do të ishte shumë vështirë të bëhej një gjë e tillë, pasi që shumë punëtorë nuk kanë as guximin që të dalin dhe të shprehin pakënaqësitë e tyre që ata kanë në vendin e punës. Punëtorët në sektorin privat kanë nevojë për përkrahjen e shtetit që të intervenohet që të mos ketë shkelje të të drejtave të tyre. Shteti ndihmon ata të cilët bllokojnë shtetin dhe jo ata që punojnë për shtetin”, thotë Azemi.
Ndryshe, sipas një anketë të Agjencisë së Statistikave të Kosovës thuhet se të intervistuarit, që punojnë në sektorin publik, kanë raportuar orar më të shkurtër të punës se ata në sektorin privat.
Meshkujt dhe femrat, që punojnë në kompani private, kanë punuar me orare më të gjata krahasuar me të gjitha llojet e punësimit.
Pavarësisht këtyre të dhënave, janë punonjësit e sektorit publik ata që gjatë javës që së kaluar u përfshin në greva. Për tre javë rresht në grevë ishin futur mësimdhënësit, në grevë ishin edhe shërbyesit civil.
Të tjera
-
Ngjarjet e datës 8 maj
Kryeministri i Republikës së Kosovës, Albin Kurti, në 25-vjetorin e masakrës ...
-
Gazetarja Ardiana Thaçi Mehmeti cak i sulm*eve në grupin Albkings
Asociacioni i Gazetarëve të Kosovës me shqetësim të thellë i ka përcjellë rap...
-
Scholz: Siguria dhe stabiliteti i Ballkanit Perëndimor nuk duhet të merren si të mirëqena
Siguria dhe stabiliteti i shteteve të Ballkanit Perëndimor nuk mund të merren...
-
Hamiti: Imazhi i Kosovës më i keqi në historinë e vendit, ky është ndryshimi që bënë Vetëvendosje e Guxo
Muhamet Hamiti, anëtar i kryesisë së Lidhjes Demokratike të Kosovës (LDK)...
-
Lajçaku takon asistentin special të Bidenit, flasin për raportet BE-SHBA
I dërguari Special i Bashkimit Evropian për dialogun Kosovë-Serbi, Miroslav L...
-
Ndahet nga jeta infermieri dhe veterani i UÇK-së
Ish-veterani i Ushtrisë Çlirimtare të Kosovës dhe infermieri Skender Hoti, ng...
-
Behrami: Kurti është mjeshtër i manipulimit publik, krejt ka me i pranu
Sipas analistit Artan Behrami, kryeministri Albin Kurti është “mjështër i man...
-
Tubimi me rininë në Prishtinë, Abdixhiku përmend zgjedhjet: LDK e mobilizuar, e fortë përballë secilës betejë
Kreu i LDK-së, Lumir Abdixhiku, thotë se partia që ai udhëheq është e g...
-
Osmani tregon për takimet në Samitin e Biznesit SHBA-Afrikë: Mundësi e vlefshme për të nxitur më shumë bashkëpunim
Presidentja e Kosovës, Vjosa Osmani, ka marrë pjesë në Samitin e Biznesit SHB...
-
Maqedonci: Serbia po vazhdon me qasje agresore ndaj Kosovës
Ministri i Mbrojtjes i Kosovës, Ejup Maqedonci, duke folur në panelin “Mision...
-
Kurti: Dragashi dhe Graçanica janë përzgjedhur për të përfituar nga procesi i zvogëlimit të barrës administrative
Kryeministri i Kosovës, Albin Kurti, ka bërë të ditur se Dragashi dhe Graçani...
-
LDK: Keqardhje për këtë Qeveri që ka degraduar marrëdhëniet me ndërkombëtarët
Kryesia e Lidhjes Demokratike të Kosovës ka mbajtur sot mbledhjen e saj t...