Lajme

Ministri serb: Barnat janë gati, të na ndihmoj dikush t’i dërgojmë në Veri

Autori: Gazeta inFokus 10:56 | 30 November 2018

Serbia çdo ditë po gjen arsyje për të kritikuar Qeverinë e Republikës së Kosovës për vendosjen e taksës prej 100 për qind për produktet me origjinë serbe.

Kësaj radhe, Ministri i Shëndetësisë në Qeverinë e Serbisë, Zlatibor Loncar, ka thënë se po me këtë vendim po i shkelin të drejtat themelore të njeriut për jetuar, kuruar e ushqyer.

Ai ka bërë me dije se në Qendrën e Shëndetit në Komunën Veriore të Mitrovicës janë duke u trajtuar 350 pacientë, e të cilët nuk do të mund të mbijetojnë pa medikamente, oksigjen dhe ushqim, shkruan ‘politik’.

-Advertisement-

Loncar ka thënë se shteti i Serbisë ka blerë gjithçka që iu duhet për trajtim pacientëve në veri, vetëm se duhet dikush t’i ndihmojë për t’ua dërguar ato.

“Shteti i Serbisë tani ka blerë gjithçka që është e nevojshme për trajtimin e pacientëve në Kosovë. Ne vetëm kemi nevojë që dikush të na ndihmoj t’ua dërgojmë ato”, ka thënë ministri serb.

Ai është shprehur i shqetësuar edhe me mos interesimin e organizatave të shëndetësisë për gjendjen e serbëve në Kosovë./Gazeta inFokus/

Subscribe në YouTube: GAZETA INFOKUSI