Lajme

Pas raportimeve të Gazetës inFokus për faljen e aseteve të komunave veriore, reagon LDK

Autori: Gazeta inFokus 15:04 | 15 November 2018

Pas raportimeve të Gazetës inFokus lidhur me asetët që Qeveria e Kosovës i ka kaluar në pronësi komunave me shumicë serbe ka reaguar edhe Lidhja Demokratike e Kosovës.

LDK përmes një komunikate për medie ka shkruar se ky vendim është një prej banimeve më të mëdha të Qeverisë, shkruan Gazeta inFokus.

“Baza ligjore mbi të cilën merret ky vendim është e paqartë. Ky është një prej gabimeve më të mëdha që bënë kjo Qeveri. Para disa dite, kryetari i Mitrovicës Veriore deklaroi se nuk do të ketë më privatizim në atë komunë. Me prekjen e infrastrukturës ligjore dhe kushtetuese të procesit të privatizimit të pronave, bëhet shkelje e kushtetutës dhe shtetësisë së Kosovës”, thuhet në reagimin e Grupit Parlamentar të LDK-së.

-Advertisement-

Ditë më parë Gazeta inFoks ka raportuar për asetet që Qeveria e Kosovës i ka kaluar në pronësi të Mitrovicës së Veriut, Ranillugut dhe Kllokotit.

Lexo edhe: Si ia fali Qeveria mbi 30 lokale Mitrovicës së Veriut?

E në mesin këtyre asetëve ishin edhe 34 lokale të ndërmarrjes “Lux” që iu falën komunës së Mitrovicës Veriore.
Sazan Ibrahimi, drejtor i Asociacionit të Komunave të Kosovës këtë vendim e she si pozitiv.

Ai në një prononcim të Gazetën infokus ka thënë se përderisa vendimet janë në interes publik nuk paraqesin asnjë problem.

“Të gjitha komunat në Republikën e Kosovës i nënshtrohen ligjeve të njëjta dhe edhe në këtë rast edhe komunat e pjesës veriore janë komuna në Republikën e Kosovës dhe vendimet që merren në mënyrë të qytetarëve të Kosovës dhe që i avancojnë zhvillimin ekonomik lokale e janë në interesin publik atëherë nuk ka asnjë problem”, ka thënë ai/Gazeta inFokus/

Lexo edhe: Ja sa prona po ia fal Qeveria e Kosovës serbëve (Dokument)

Subscribe në YouTube: GAZETA INFOKUSI