Lajme

Kosova në kërkim të përkrahjes së Italisë për vizat

Autori: Gazeta inFokus 12:00 | 14 Nëntor 2018

Ministrja e Integrimit Evropian, Dhurata Hoxha, po qëndron për vizitë zyrtare në Itali, ndërsa takoi Nicola Molteni, zëvendësministër i Punëve të Brendshme, me ç’rast diskutoi për thellimin e bashkëpunimit bilateral dhe liberalizimin e vizave për Kosovën.

Ministrja Hoxha, në takim me Moltenin theksoi përkushtimin e Republikës së Kosovës për përmbushjen me sukses të 95 kushteve për liberalizim dhe pritshmërinë që pas përmbushjes së kritereve të kemi rezultatin e pritur e që është liberalizimi i vizave për qytetaret tanë.

“Emigrimi ilegal është hequr nga agjenda e institucioneve tona, ngase, nga viti 2015, kjo dukuri ka rënë në vlerat më të ulëta, aq sa shtetasit e Kosovës nuk gjenden as brenda 30 shteteve për kërkesat e parashtruara për azil në vendet e BE-së. Menaxhimi i azilit në vend si dhe riatdhesimit është për t’u vlerësuar, sepse, Kosova po zbaton jo vetëm marrëveshjet ndërkombëtare por edhe rekomandimet që dalin nga këto marrëveshje”, theksoi Hoxha.

-Advertisement-

Ministrja kërkoi nga zëvendësministri Molteni, përkrahje në mbledhjen e radhës së Këshillit të Ministrave, për t’u mundësuar lëvizjen e lirë qytetarëve.

Ministrja Hoxha e vlerësoi lartë përkrahjen e Italisë, por, theksoi se përkrahja duhet jashtëzakonisht edhe në Këshillin e Ministrave që qytetarët e Kosovës të lëvizin të lirë.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy