“Asnjë përfaqësues i BE-së asnjëherë nuk ka dhënë afate kohore për liberalizimin e vizave”.

Kështu kanë thënë të hënën nga “Instituti i Kosovës për Politikat Evropiane” (EPIK), shkruan Gazeta inFokus.

Në këtë reagim thuhet se është shqetësuese gjuha fajësuese e liderëve kosovarë ndaj BE-së

-Advertisement-

“Së fundmi ky fakt u vërtetua edhe nga Peter Beyer, deputet gjerman nga CDU, anëtar i Komitetit të Punëve të Jashtme, dhe koordinator për Marrëdhëniet Transatlantike, në kuadër të MPJ-së gjermane. Në ditët e fundit, zyrtarët e lartë të institucioneve kanë përdorur një gjuhë fajësuese dhe me elemente të urrejtjes etnike ndaj BE-së në rast mos-liberalizimit të vizave deri në fund të këtij viti. Instituti EPIK i përcjellë me shqetësim këto deklaratat dhe rikujtojmë se asnjë përfaqësues i institucioneve të BE-së apo vendi anëtarë, asnjëherë, nuk ka dhënë afate kohore për liberalizimin e vizave. Janë vetë përfaqësuesit institucional të Kosovës të cilët kanë ofruar premtime të paqëndrueshme kohore për liberalizimin e vizave.”, thuhet në reagimin e EPIK.

Po ashtu në këtë reagim thuhet se përgjegjësia për mos liberalizim bie mbi udhëheqësit kosovarë.

“Prandaj, tendencat e udhëheqësve institucional për të hedhur fajin nga institucionet e BE-së janë të papranueshme. Përgjegjësia për mos liberalizimin e vizave gjate vitit 2018 bie mbi lidershipin politik të këtij koalicioni qeverisës i cili ka dhënë premtime të papërgjegjshme dhe joreale.”, thuhet ndër të tjera në këtë reagim.

Ndryshe ditë më parë EPIK ka bërë të ditur gjashtë hapat që duhet përmbushur Kosova për të arritur te liberalizimi i vizave.

Sipas këtij Instituti hapi i parë është përfundimi I negociatave dhe darkodimi mbi një marrëveshje të përkohshme joformale për plotësim ndryshimin e rregullores 539/2001 ndërsa hapi i gjashtë është hyrja në fuqi e rregullores 539/2001 dhe lëvizja e lirë e qytetarëve të Kosovës./Gazeta inFokus

Lexo edhe: Kosova 6 hapa larg liberalizimit

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-