Lajme

Kadri Veseli ‘godet’ Hashim Thaçin: Nuk mbrohet veriu me demonstrime të rrejshme patriotike

Autori: Gazeta inFokus 17:21 | 29 Shtator 2018

Kryetari i Kuvendit të Kosovës, Kadri Veseli ka lënë të kuptohet se është i pakënaqur me vizitën e presidentit, Hashim Thaçit të Liqeni i Ujmanit në Veri.

Veseli përmes një postimi në facebook ka shkruar se veriu nuk mbrohet me demonstrime të rrejshme patriotike kundër njeri tjetrit, shkruan gazeta inFokus.

“Sot nuk fitoi asgjë Kosova. Sot humbën qytetarët e saj, u lëndua besimi i tyre në shtetin e Kosovës. Sot fituan inatet kundër njëri tjetrit dhe manipuluesit politikë.

-Advertisement-

Një gjë duhet ta ketë të qartë secili: Kosova, sovraniteti i saj, integriteti i saj territorial, kufijtë e saj, veriu i saj, nuk mbrohen me demonstrime të rrejshme patriotike kundër njeri tjetrit. Duhet të marrë fund kjo politikë e mbrapshtë, që prodhon situata manipuluese dhe të rrezikshme për vendin, të tilla si të ditës së sotme.”, ka shkruar Veseli.

I pari i Kuvendit të Kosovës ka shkruar gjithashtu se vetëm me bashkim kundër Sebidë mund ta mbrojmë shteti e Kosovës.

“Ka vetëm një mënyrë për të mbrojtur dinjitetin e qytetarëve dhe vetë shtetin e Kosovës: duke qëndruar të bashkuar përballë Serbisë. Rrugët tjera e kanë një emrues të përbashkët: dështimin dhe dëmtimin e shtetit. Pa asnjë dilemë!”, ka përfunduar Veseli.

Gjatë ditës presidenti i Kosovës, Hashim Thaçi ka vizituar Liqenin e Ujmanit në Veri ku ka lundruar rreth gjysmë ore ka me barkë.

Në të njejtën ditë në Prishtinë Vetëvendosje ka organizuar protestë në Prishtinë për të kundërshtuar idenë e shkëmbimit të territorit mes Kosovës dhe Serbisë dhe përfaqësimin e Kosovës në dialog nga presidenti, Hashim Thaçi.

Protesta ka zgjatur rreth dy orë e gjysmë ndërsa protestuesit janë shpërndarë të qetë./inFokus

Lexo edhe: Ekskluzive – Hashim Thaçi viziton Bërnjakun dhe lundron në Ujman (Video)

Lexo edhe: Protesta e Vetëvendosjes pa asnjë flamur të Kosovës (Foto)

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy