Lajme

Marjan Dema propozon Dashamir Bërxullin për prorektor të UP-së

Autori: Gazeta inFokus 18:39 | 20 Shtator 2018

Pas dorëheqjes së prorektorit Naser Sahiti, rektori i Universitetit të Prishtinës, Majran Dema propozoi profesorin Dashamir Bërxulli në pozitën e prorektorit.

“Siç e dini të gjithë prorektori për mësimdhënie dhe çështje të studentëve ka dhënë dorëheqje dhe kam menduar që ta propozoj Dashamir Bërxullin në mënyrë që ta kompletojmë ekipin. Kam menduar që ai të jetë për marrëdhënie ndërkombëtare, për media sepse po ngecim si menaxhment në këtë aspekt.”, tha Dema.

Aktualisht Dashamir Bërxulli është profesor në Fakultetin Filozofik në departamentin e Psikologjisë dhe ligjëron lëndët, Psikologji Sociale dhe Psikologji e Personalitetit.

-Advertisement-

Dashamir Bërxulli në mandatin e kaluar ishte prodekan për çështje mësimore në Fakultetin Filozofik.

Senati i UP-së gjatë mbledhjes së sotme gjithashtu miratoi propozimin që të hënën me 24 shtator të shpallet konkursi për përmbushjen e numrit të bashkëpunëtorëve të jashtëm në fakultetet të cilat nuk kanë arritur ta plotësojnë këtë numër.

Parlamenti i studentëve kërkoi nga senati që në të ardhmen të ndahen broshura për të rinjtë që e kanë regjistruar apo janë para regjistrimit të fakultetit në UP, në mënyrë që të kenë informata më shumë rreth fakultetit që ata synojnë.

Prandaj edhe rektori Marjan Dema u kërkoi dekanëve të fakulteteve të UP-së që të krijojnë këto broshura të cilat siç deklaroi ai, do të financohen nga Universiteti.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy