Lajme

Murati: Nesër dihet kush është vërtetë kundër korrigjimit të kufijve

Autori: Gazeta inFokus 18:14 | 03 September 2018

Vendimin e Kryesisë së Kuvendit të Kosovës se seanca e jashtëzakonshme do të mbahet të martën e ka komentuar Artan Murati, hulumtues në Institutin Demokratik të Kosovës (KDI).

Murati përmes një postimi në facebook ka shkruar se nesër do të dihet nëse partitë politike janë vërtetë kundër idesë së korrigjimit të kufijve, shkruan gazeta inFokus.

Ai po ashtu ka shtuar se nëse ka mungesa në seancë dhe pamundësohet kuorumi atëherë dihet pozicioni I tyre.

-Advertisement-

“Shtatori erdhi, fjalët nuk kryejnë pune me, veç veprat.”, ka përfunduar Murati.

“Seanca e nesërme është një mundësi e mirë për politiken kosovarë, për të ndërtuar diçka të përbashkët, ose të paktën, për të parandaluar diçka që shumica janë kundër. Përveç opozitës, idenë e “korrigjimit te kufijve” e kanë kundërshtuar deklarativisht edhe AAK e NISMA. Megjithatë, testi i vërtetë për AAK e NISMA është nesër. Nëse ka mungese ne seance, e pamundësohet kuorumi për vendimmarrje, atëherë po dihet edhe pozicioni i tyre karshi “korrigjimit”. Shtatori erdhi, fjalët nuk kryejnë pune me, veç veprat.”, ka shkruar Murati ne facebook.

Kryesia e Kuvendit të Kosovës ka bërë të ditur se seanca e jashtëzakonshme lidhur me angazhimet e Presidentit të Kosovës, Hashim Thaçi për përfshirjen e “shkëmbimit të territoreve” apo “korrigjim të kufijve” në dialogun në mes të Kosovës dhe Serbisë do të mbahet të martën, më 4 shtator.

Pas mbledhjes së kryesisë kryetari i Kuvendit, Kadri Veseli ka thënë se komentet politike do të thuhet në seancë.

“Komentet politike do t’i themi nesër pasi kemi seancën e jashtëzakonshme”, tha Veseli./inFokus

Subscribe në YouTube: GAZETA INFOKUSI