Lajme

Sa herë e ka shijuar lirinë, Demaçi ka folur troç

Autori: Gazeta inFokus 06:49 | 27 Korrik 2018

Kur e ka shijuar lirinë, Adem Demaçi ka folur troç.

Por, atdhetari që vdiq në moshën 82-vjeçare, i ka kaluar plot 28 vjet në burgjet e Serbisë, pasi fliste në mënyrë të tillë për të drejtat e shqiptarëve të Kosovës.

Simboli i rezistencës kosovare në pjesën më të madhe të jetës e ka luftuar regjimin shtypës të Beogradit, raporton KTV.

-Advertisement-

Është arrestuar e burgosur tri herë, për t’u liruar në vitin 1990, duke udhëhequr me Këshillin për Mbrojtjen e të Drejtave dhe Lirive të Njeriut.

Ka shërbyer si kryeredaktor i Zërit në vitet 1991-93 dhe ndërkohë e ka pranuar çmimin prestigjioz Sakharov të Parlamentit Evropian.

Në vitin 1996, i hyri politikës, duke marrë drejtimin e Partisë Parlamentare të Kosovës, që deri në atë kohë udhëhiqej nga Bajram Kosumi.

Ndërkohë, e prezantoi idenë e Balkanias, një union i Kosovës, Serbisë dhe Malit të Zi, që u kundërshtua.

Në vitin 1998, u bë përfaqësues politik i Ushtrisë Çlirimtare të Kosovës, me seli në Prishtinë.

Në këtë intervistë për Associated Press tregonte se UÇK-ja e mbron lirinë e Kosovës dhe se kishte kaluar epoka e Ibrahim Rugovës.

Por, kur delegacioni i UÇK-së vendosi të shkojë në Rambuje për negociata me Serbinë, Demaçi kundërshtoi fort dhe u distancua.

Pas luftës, nuk u bashkua me ndonjë forcë politike, por për Hashim Thaçin tha se është më i miri ndër politikanët jo të mirë që i ka Kosova, prandaj nuk i pëlqeu kur Haradinaj deshi t’ia merrte pushtetin pas kthimit nga Haga.

Ibrahim Rugovën vazhdoi ta fyejë e nënçmojë edhe pasi vdiq.

E vazhdimisht foli për marrëdhëniet e Kosovës me Serbinë.

Por, edhe për nevojën që të rinjtë të kenë perspektivë më të mirë në Kosovë.

Demaçi u shtrua në spital ditët e fundit dhe mjeku kujdestar në QKUK tha se ka vdekur nga shkaqe natyrale.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy