Estonia është shtet në detin baltik me një popullsi prej 1.3 milion banorëve.

Pavarësisht numrit të vogël të popullsisë, ky shtet shumë lehtë mund të quhet një nga shtetet më inovative në botë, transmeton Telegrafi.

P.sh., për të votuar në zgjedhje në Estoni, ju nuk keni nevojë ta prishni rehatinë duke shkolluar në vendvotimin më të afërt, por mund të votoni përmes internetit me ndihmën e një karte elektronike të identifikimit.

-Advertisement-

Sidoqoftë, kjo nuk është gjëja e vetme që e bën Estoninë të veçantë, prandaj më poshtë e keni listën me fakte që dëshmojnë se përse Estonia është shumë më përpara se shumica e shteteve.

Programimi në shkollë

Në vitin 2012 Estonia e kishte lansuar pilot-projektin për t’i mësuar fëmijët programim kompjuterik nga klasa e parë deri në të 12-ën. 20 shkolla marrin pjesë në këtë projekt.

Nga mosha 6-vjeçare, fëmijët fillojnë të mësojnë matematikë dhe logjikë për t’i aplikuar njohuritë e tyre në një ambient vizual programimi.

Pasaportat elektronike

Qysh në vitin 2002, Estonia ka filluar të shpërndajë karta elektronike të identifikimit. Ato duken si një kartelë normale dhe e verifikojnë identitetin e individit në ambiente reale dhe digjitale.

Në çipin e kësaj kartele ka informacione të shumta për individi, e gjithashtu ka edhe nënshkrim elektronik i cili është i barabartë ligjërisht me një nënshkrim manual.

Qytetarët e Estonisë mund të bashkëngjisin shumë dokumente në këtë kartelë dhe, kur udhëtojnë brenda Bashkimit Evropian, kartela funksionon edhe si pasaportë.

Votimi pa lëvizur nga shtëpia

Qysh në vitin 2005, kur zgjedhjet komunale kishin ndodhur në Estoni, qytetarët e këtij shteti kanë qenë të aftë të votojnë për një kandidat përmes internetit duke e verifikuar identitetin e tyre me një nënshkrim elektronik nga kartela e tyre e identifikimit.

Estonia është shteti i parë i cili e ka aprovuar sistemin e votimit elektronik për zgjedhje parlamentare në vitin 2007‌.

Gjatë zgjedhjeve për Parlamentin Evropian, 31% e estonianëve kanë votuar përmes këtij sistemi.

Transport falas publik

Në vitin 2013, Tallinn është bërë qyteti i parë në botë ku të gjitha mjetet e transportit publik janë bërë falas për secilin person.

Ky vendim ishte marrë në mënyrë që të shërbejë si zgjidhje që qytetarët të mos udhëtojnë me vetura, por me autobusë dhe mjete tjera të transportit publik.

Shumë kohë kursehet falë teknologjisë…

Ditëve të sotme, rreth 4,000 lloje të shërbimeve janë në dispozicion në mënyrë elektronike në Estoni – nga deklarimi i taksave e deri te një kërkesë për shpyllëzim.

Për vetëm 20 minuta, secili shtetas i Estonisë mund ta hapë një kompani të re me kartelën e tyre të identifikimit dhe falë këtij sistemi qytetarët nuk kanë nevojë të presin në linja, të mbledhin dokumente në shumë vende, etj.

Shtet i startup-eve

Sipas të dhënave të fundit, Estonia renditet e treta në Evropë sa i përket numrit më të lartë të bizneseve startup për kokëbanori: janë 31 startup-e për 100,000 banorë.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-