Muharrem Bossi
Autori: Gazeta inFokus 09:50 | 31 May 2018
Ish kryetari i Komunës së Ferizajt, Muharrem Svarqa, duket se ka vepruar siç ia ka dashur qejfi me paratë e shtetit. Pa pyetur për procedura ligjore, ai punësoi dhjetëra persona, lëshoi leje ndërtimi e shpërndau para tek kompanitë private pa kontratë fare, shkruan Gazeta Fokus.
Svarqa, sipas të gjeturave të Auditorit në raportin e kësaj komune për vitin e kaluar, ka bërë një mal shkeljesh gjatë qeverisjes së tij.
“Në pesë raste ne kemi identifikuar se aplikuesve për leje të ndërtimit ju ka mundësuar pagesa në këste, përmes një vendimi të lëshuar nga ana e Komunës. Pas pagesës se këstit të I –re ata kanë marrë vendimet e lejeve te ndërtimit, derisa kishin mbetur obligim edhe për dy këste tjera”, thuhet në raportin e auditorit, shkruan Gazeta Fokus.
E shuma e dy kësteve të mbetura si obligim për këta pesë aplikantë ishte 171,164 euro.
Por kjo nuk është shkelja e vetme.
Ish-kryetari Svarqa, kishte punësuar 40 mësimdhënës në arsim pa procedura të rekrutimit (pa shpallje publike), duke anashkaluar plotësisht kërkesat ligjore.
“Punësimi i tyre ishte bërë me vendim të Kryetarit i cili ishte bazuar në rekomandimin e Drejtorit i Arsimit”.
Përveç kësaj, auditori ka gjetur se komuna kishte paguar tri kompanive private afro 200 mijë euro, pa lidhur fillimisht asnjë kontratë me to për kryerje të punimve, shkruan Gazeta Fokus.
Fjala është për projektin “Asfaltimi i rrugës në Rakaj” në vlerë 76,367 euro; projektin “Asfaltimi i rrugës Milan Shuflaj” në vlerë 30,000 euro; dhe projektin “Ndërtimi i shtigjeve për biçikleta në vlerë 84,855 euro.
Kompanitë që kishin realizuar këto projekte ishin nënkontraktor të kompanive tjera, e që sipas auditorit në mungesë të kontratës rrezikojnë ti shmangen obligimeve.
Gjatë qeverisjes së Svarqës në Ferizaj, Kuvendi Komunal duket të mos jetë pyetur fare, pasi nuk kishin as dijenin më të vogël se çfarë po ndodhë me buxhetin e institucionit, shkruan Gazeta Fokus.
“Në dy projekte kemi identifikuar se ata për kryerjen e obligimeve kanë shfrytëzuar mjetet nga projektet tjera, si: Pagesa në vlerë 25,862 euro për “Riparimin e rrjetit të kanalizimit fekal” ishte realizuar nga projekti “Asfaltimi i rrugës në Zllatar”; dhe Pagesa në vlerë 37,512 euro për “Kanalizim në fsh. Dermjak” ishte realizuar nga projekti “Rregullimi i qendrës se qytetit faza e dytë”. Ne nuk kemi vërejtur ndonjë vendim nga Kuvendi Komunal për aprovimin e ndryshimeve në buxhet”, thuhet në raporin e Auditorit.
Komuna e udhëhequr nga Svarqa, sipas auditorit nuk i kishte trajtuar barabartë as bizneset në inkasimin e taksave.
Në vetëm pesë raste të testuara janë identifikuar se faturimi i taksave të biznesit ishte 170,450 euro, ndërsa pagesa për to ishte vetëm 40,000 euro.
“Me tutje identifikuam se në vitin 2017, komuna nuk kishte trajtuar në mënyrë të barabartë të gjitha bizneset, përkatësisht njërit nga bizneset nuk i kishte lëshuar vërejte për mos pagesë të borxhit”, thuhet në raport.
Edhe me pronat komunale duket se ishte vepruar sipas qejfit të kryetarit, shkruan GazetaFokus.
Komuna ka dhënë me qira prona komunale për shfrytëzim të përkohshëm (me qira), mirëpo, nuk kishte arritë të inkasojë të hyrat në përputhje me kontraktimin për to.
“Obligimet konktraktuale për vetëm tetë qiramarrës, të cilët ishin mostër e jona ishin 123,016euro, derisa pagesat e realizuara për ta ishin 27,718 euro ose vetëm 23 për qind”.
Komuna, sipas auditorit, kishte marrë vendim për shkëputje te kontratës vetëm për njërin qiramarrës, derisa për shtatë të tjerë nuk ka ndërmarrë asnjë masë.
E pas gjithë këtyre shkeljeve, auditori ka gjetur se udhëheqja e kaluar e ka futur në obligime të mëdha financiare Komunën e Ferizajt.
“Pasqyra e detyrimeve të papaguara ndaj furnitorëve në fund të vitit 2017 ishte 4,477,460 euro, kurse në vitin 2016 ishin 1,038,129 euro që rezulton një trefishim të tyre. Këto detyrime janë bartur për t’u paguar në vitin 2018”, thuhet në raport.
Megjithatë, kjo sipas auditorit pasqyron vetëm një pjesë të vështirësisë buxhetore që ka Komuna./ GazetaFokus/
Të tjera
-
Behrami: Kurti është mjeshtër i manipulimit publik, krejt ka me i pranu
Sipas analistit Artan Behrami, kryeministri Albin Kurti është “mjështër i man...
-
Tubimi me rininë në Prishtinë, Abdixhiku përmend zgjedhjet: LDK e mobilizuar, e fortë përballë secilës betejë
Kreu i LDK-së, Lumir Abdixhiku, thotë se partia që ai udhëheq është e g...
-
Osmani tregon për takimet në Samitin e Biznesit SHBA-Afrikë: Mundësi e vlefshme për të nxitur më shumë bashkëpunim
Presidentja e Kosovës, Vjosa Osmani, ka marrë pjesë në Samitin e Biznesit SHB...
-
Maqedonci: Serbia po vazhdon me qasje agresore ndaj Kosovës
Ministri i Mbrojtjes i Kosovës, Ejup Maqedonci, duke folur në panelin “Mision...
-
Kurti: Dragashi dhe Graçanica janë përzgjedhur për të përfituar nga procesi i zvogëlimit të barrës administrative
Kryeministri i Kosovës, Albin Kurti, ka bërë të ditur se Dragashi dhe Graçani...
-
LDK: Keqardhje për këtë Qeveri që ka degraduar marrëdhëniet me ndërkombëtarët
Kryesia e Lidhjes Demokratike të Kosovës ka mbajtur sot mbledhjen e saj t...
-
Takimi i sotëm në Strasburg përfundon pa e futur Kosovën në agjendën për mbledhjen e Komitetit të Ministrave
Takimi i sotëm në Strasburg i zëvendësministrave të Jashtëm të shteteve anëta...
-
EULEX-i ushtron Policinë e Kosovës për menaxhimin e përbashkët të krizave
Njësia Policore e Specializuar e EULEX-it (NJPS) mori pjesë sot në ushtri...
-
(PAMJE) Vetëaksident me motoçikletë në Prishtinë, ka të lënduar
Një vetëaksident trafiku me motoçikletë ka ndodhur para pak minutave në rrugë...
-
AAK-ja krijon Shtabin për Zgjedhje Parlamentare
Kryetari i Aleancës për Ardhmërinë e Kosovës, Ramush Haradinaj, ka njoftu...
-
Pas Danimarkës edhe Austria planifikon marrëveshje që të burgosurit të vuajnë dënimin në Kosovë
Qeveria austriake planifikon marrëveshje për transferimin e kriminelëve të dë...
-
Osmani takon ambasadoren e SHBA-së në OKB: E vendosur për forcimin e partneritetit mes dy vendeve tona
Presidentja e Kosovës, Vjosa Osmani është takuar me ambasadoren e Shteteve të...