Ish pjesëtari i Ushtrisë Çlirimtare të Kosovës (UÇK), dhe ish deputet i Kuvendit të Kosovës nga radhët e Partisë Demokratike të Kosovës (PDK), Nuredin Lushtaku ka reaguar për vrasjen gabimisht të kushëririt të tij në vitin 2010.

Lushtaku ka thënë për vrasjen kushëririt të tij ka qenë i paguar Lutfi Qosa, për të vrarë Sabit Lushtakun, e jo Nuredin Lushtakun.

Lushtaku përmes një postimi në Facebook, ka thënë se në të gjitha shkresat e lëndës saktësohet që dorasi Lutfi Qosa, ka qenë i paguar nga Driton Latifi për vrasjen e Sabit Lushtakut për qëllime hakmarrëse, por dorasi ka vrarë gabimisht Nuredin Lushtakun dhe se kjo nuk ka pas kurrfarë lidhje me të.

-Advertisement-

Postimi i plotë i Lushtakut:

“REAGIM PËR OPINION PUBLIK

Të nderuar, për herë të dytë si pasojë e mediave jo profesionale dhe tendencioze unë, familja ime dhe miqt e mi shqetësohemi vetë për faktin se unë kam emrin Nuredin Lushtaku dhe asgjë tjetër.

Vrasja e kusheririt tim nga dorasi Lutfi Qosa në vitin 2010 na ka shqetsuar të gjithëve.

Pohimet e Televizionit T7 në emisionin “Frontal” janë shpifje e kulluar sepse, Lutfi Qosa ka qenë i paguar për të vrarë Sabit Lushtakun e jo Nuredin Lushtakun.

Vrasja ka nodhë për shkak të konflikteve familjare që kanë pas familja e afërt e viktimës në Austri me familjen e Driton Latifit.

JU rikujtoj se i afërmi i viktimës Nuredin R Lushtaku, Sabit Lushtaku ka pas konflikt familjar me familjen e Driton Latifi në Austri të cilët sipas dëshmive të prokurorisë kanë paguar dorasin Lutfi Qosa i cili është dënuar nga Gjykata Themelore në Mitrovicë me 19 vite burgim për vrasjen e Nuredin R Lushtakut, ndërsa Gjykata e Apelit ia ka rritë denimin në 27 vite burgim të formës së prerë.

Në të gjitha shkresat e lëndës saktësohet se dorasi Lutfi Qosa ka qenë i shtyrë nga Driton Latifi për vrasje të Sabit Lushtaku për qëllime hakmarrese, por që dorasi ka vrarë gabimisht Nuredin R Lushtakun të afërmin e Sabit Lushtakut dhe kjo nuk ka pas kurfarë lidhje me mua dhe punë time.

Prandaj, konsideroj se shkrimet e medias sot ishin qëllim kqija, jo profesionale dhe tendencioze për të përfshirë apo ndërlidh vrasjen e Nuradin R Lushtakut me mua.

Konsideroj se shkrime të tilla kishin për qellim dëmtimin e autoriteti tim dhe përfshirjen time në një rast të tillë ishin të qëllimshme nga gazetari Arsim Lani, Televizioni T7 në emisiomin “Frontal” e që u transmetua edhe nga disa media tjera, të cilat kanë shqetsuar familjen time dhe miqt e mi.

Të nderuar miq, një kërkim falje nga mediat për shqetsimin që kan shkaktuar në familjen time, do të me bënte të mendohem për të mos ndërmarr HAPA të tjerë ligjorë ndaj shpifësve të tillë.

Unë Gjeneral Nuredin Lushtaku edhe pse modest mburrem me punë time në UÇK, TMK dhe në të gjitha proceset nëpër të cilat ka kaluar Kosova dhe asnjëherë nuk kam qenë cak i asnjë sulmi dhe as që kam pas konflikt me ndokënd për punën time gjatë viteve të shkuara.

Këtij reagimi ia bashkangjesë vendimin e Gjykatës për rastin e vrasjes se Nuredin R Lushtakut të cilin ka mundur ta siguroj çdo media apo gazetar veq pak profesional” (sic.), ka shkruar Lushtaku.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-