Kosova dhe Shqipëria janë dy vendet me shumëcka të përbashkët, por kanë aq shumë pengesa të krijuara sa që është bërë shpeshëherë e vështirë për të bërë biznes. Ankesa nga bizneset ka nga të dy anët.

Historia e bllokimit të mallrave mes dy vendeve ka zanafillen e para shumë viteve dhe problemet nuk u zgjodhën asnjëherë. Me gjithëse ia mësyn tregut shqiptar brenda një peridhe jo shumë të gjatë kohore pas luftës, barrierat tregtare, sidomos ato jotarifore vazhdojnë të jenë prezente.

Bizneset prodhuese kosovare që kanë mbi 10 vjet që eksportojnë rregullisht prodhimet e tyre në Shqipëri, thonë se për të kryer një eksport nga autoritetet shqiptare kërkohen 10 dokumente. Të njëjtat sipas tyre nuk kërkohen në asnjë vend tjetër të Bashkimit Evropian ku këta prodhues eksportojnë, pos në Serbi, arsyet të cilat të gjithë i dimë.

-Advertisement-

Analizat e produkteve që i kryejnë në Institutin Kombëtar të Shendetësisë Publike apo në Institutin Bujqësor në Pejë, nuk merren parasysh nga autoritetet shqiptare, por edhe atje duhen bërë të njëjtat analiza.

Bizneset kanë thënë se kostoja e eksportit të një maune me prodhimet e tyre arrin deri në mbi 200 euro dhe ku përfshihen pagesat e shpedicionit, skaneri, analizat e disa cështje të tjera. Heqja e pengesave ka qenë edhe në mbledhjen e fundit të dy qeverive të mbajtur në Korcë, por përpos zotimeve asnjë ndryshim nuk është bërë.

Bizneset dhe shoqatat kanë kërkuar që të jenë të barabartë, asgjë më shumë. Bllokada fillimisht kishte nisur me ilacet që eksportoheshin nga Kosova, e të cilat nuk lejoheshin të shiteshin në tregun shqiptar gjë që kishte shtyrë Kosovën të merrte masa reciprociteti.

Pastaj për shkak të përmbajtjes së Aflatoksinës që përpos që ishte gjetur me analizat e bëra në Kosovë, e njëjta ishte vërtetuar edhe me analizat e bëra në Itali, Shqipëria kishte ndërmarrë masa duke vendosur masa reciprociteti ndaj miellit që vinte nga Kosova. Pastaj Kosova kishte vendosur masë reciprociteti për cementin.

jo më vonë kishte shtyrë palën shqiptare të vendoste masa reciprociteti ndaj patates me arsyetimin se do të mbronte pataten e regjionit të Devollit. Më vonë Shqipëria bllokoi edhe rrushin, derisa pala kosovare kërcënoi me masa reciprociteti. Së fundi Shqipëria ka rritur akcizën e pijeve alkoolike të Kosovës, pasi këto të fundit arritën të marrin një pjesë të mirë të tregut shqiptar.

VIVA FRESH E SHPALL KREEEEJT MUAJIN BLACK NOVEMBER!

Sponsoruar

-Advertisement-