Lajme

Turistë holandezë magjepsen nga Mali i Tomorrit

Autori: Gazeta inFokus 09:26 | 28 Mars 2018

Një grup turistësh holandezë, vizituan gjatë fundjavës Malin e Tomorrit në tentativë njohjeje të natyrës dhe kulturës së këtyre anëve.

Ata, fillimisht u akomoduan në Shtëpinë e Pritjes së Vizitorëve në fshatin Tomorr, ku u njohën me historikun e parkut, zonës rreth tij, florën dhe faunën, traditat dhe zakonet e zonës, të shoqëruar nga specialistë të  Administratës së Zonave të Mbrojtura në Berat.

Megjithë motin e paqëndrueshëm, grupi i vizitorëve u ngjit në lartësinë e fshatrave Tomorr i Madh dhe Tomorr i Vogël, ku vizituan dhe kalanë e vjetër që gjendet aty, shkruan Infokusi.

-Advertisement-

Shoqëruesit u treguan për legjendat e malit dhe  historinë e zonës, degëzimin e rrugës së vjetër tregtare të quajtur “Vrromi i Madh”, për Hanin e Perisnakës që tashmë është future dhe në fjalorin e përditshëm, për zhurmën tregtare që zhvillohej dikur në këtë vend, u folën edhe për Parkun Kombëtar të  Tomorrit, bimësinë, kafshët, historinë e fshatrave të  zonës dhe mbi të gjitha për traditat, dhe mikpritjen e veçantë.

Grupi i turistëve holandezë, të gjendur nën hijen e Malit të Madh, ndjenë peshën e rëndë të legjendave dhe gojëdhënave rreth enigmës së tij. Kjo ishte përshtypja e tyre para se të largoheshin.

Do të zbresin drejt fushave holandeze duke mbajtur mbi çantat e shpinës, gravitetin e rëndë të Dodonës Pellazgjike apo (Dodonës Dimër keqe) dhe mbi të gjitha përshtypjet nga qyteti muze i Beratit. /INFOKUSI.COM/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy