Lajme

Sigurohen vaksinat për lopët e sëmura në Kosovë

Autori: Gazeta inFokus 16:34 | 23 March 2018

Kosova është pajisur me 170 mijë doza vaksina kundër Sëmundjes Gungore të Lëkurës – LSD, shkruan Infokusi.

Fermerët e Kosovës të cilët mbajnë kafshë të llojit të gjedhit, kanë përfituar vaksinim falas të kafshëve të tyre nga autoriteti shtetëror.

Këtë e ka bërë të ditur Agjencia e Ushqimit dhe Veterinarisë përmes një komunikate ku ndër të tjera ka njoftuar se janë përgatitur për aksionin e vaksinimit.

-Advertisement-

“Janë të kontraktuara praktikat veterinare për kryerjen e shërbimeve të aplikimit të vaksinave tek kafshët. Sikurse edhe ne dy vitet e kaluara fermerët duhet të bashkëpunojnë me veterinerët në kohen kur fillon vaksinimi. Për datën e fillimit të vaksinimit fermerët do të njoftohen me kohë”, thuhet në njoftimin e AUV-it.

Agjencia e Ushqimit dhe Veterinarisë paralajmëroi vaksinimin masiv të kafshëve të llojit të gjedheve kundër Sëmundjes Gungore e Lëkurës (SGL) – Lumpy Skin Disease (LSD).

Të gjitha këto vaksina janë donacion nga Komisioni Evropian. /INFOKUSI.COM/

Subscribe në YouTube: GAZETA INFOKUSI