Transformimi i Forcës së Sigurisë së Kosovës në Forca të Armatosura mund të bëhet vetëm me ndryshime kushtetuese, ndërsa ura e Ibrit mund të hapet vetëm nga Qeveria e Kosovës, shkruan Infokusi.

Kështu ka deklaruar komandanti i NATO-s me bazë në Napoli, admirali James Foggo gjatë ligjëratës para studentëve të Kolegjit AAB.

Komandanti Foggo tha se transformimi i FSK-së në ushtri nuk mund ta bëjë NATO , por duhet të bëhet përmes reformave kushtetuese që kërkojnë dy të tretat e shumicës në Kuvend të Kosovës.

-Advertisement-

“Sa i përket tranzicionit nga FSK-ja në diçka tjetër njerëzit po ma bëjnë këtë pyetje gjatë gjithë kohës, dëgjoni NATO a do i ndihmojë FSK-së me u bë Forca të Armatosura nuk mund ta bëjmë na këtë ju, qeveria e Kosovës ju duhet me bë mënyrën si është shumë thjeshtë e përcaktuar nëpërmes reformave kushtetuese”, tha Foggo.

Foggo para studentëve u shpreh se për hapjen e urës së Ibrit janë duke punuar me autoritet vendore, por mbetet çështje e Qeverisë dhe njerëzve të vendit që ta bëjnë të qarkullueshme atë urë.

Për transformimin  e Forcave të Sigurisë së Kosovës në ushtri të Kosovës ka folur edhe komandanti i KFOR-it  Salvatore Cuoci, i cili tha se FSK-ja është në drejtimin e duhur.

Por, transformimi i saj në Forca të Armatosura të Kosovës mund të bëhet vetëm përmes Kushtetutës.

Sipas tij për institucionet vendore mbetet sfidë edhe ratifikimi i marrëveshjes së demarkacionit me Malin e Zi, sipas të cilit duhet të tejkalohet për të shkuar drejt integrimeve euroatlantike

“…sfida e sotme që është marrëveshja e demarkacionit me Malin e Zi dhe nëse kjo bëhet do të ishte edhe një shenjë tjetër edhe një hap drejt integrimit euroatlantik duke bërë fitimi i liberalizimit të vizave. Luftimit të krimit të organizuar, korrupsionit dhe institucionet e Kosovës janë duke parë se ku është lidhja për të vazhduar në aspirimin dhe integrimin dhe kjo është shumë e rëndësishme sepse e ardhmja juaj është në Evropë“, tha ai. /INFOKUSI.COM/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-