Ekonomi

Nga 24 mars – pa kodin telefonik +381

Autori: Gazeta inFokus 16:26 | 20 March 2018

Që nga 24 marsi i këtij viti, Telekomi i Kosovës do të largojë nga përdorimi kodin e vjetër +381 dhe ta zëvendësojë më atë shtetëror +383.

Këtë e kanë bërë të ditur përmes një komunate të lëshuar për media ku ndër të tjera kanë shtuar se ky kod telefonik është i vetmi që do të përdoret në Republikën e Kosovës pas kësaj përiudhe, shkruan Infokusi.

Kodi +381 është përdorur nga Telekomi i Kosovës për telefoninë fikse që nga paslufta në mungesë të kodit shtetëror të Kosovës. Nga muaji shkurt i vitit të kaluar, Telekomi i Kosovës ka vënë në përdorim kodin shtetëror +383, paralelisht me kodin 381.

-Advertisement-

Marrëveshja e telekomunikcionit e arritur në mes të Republikës së Kosovës dhe Serbisë me ndërmjetësimin e Bashkimit Evropian, ka bërë të munduar që ITU, t’i caktojë Kosovës kodin telefonik 383, duke specifikuar se ARKEP do të jetë administrues i vetëm i kodeve dhe do të komunikojë dhe koordinojë aktivitetet përkatëse me ITU-në.

“Në zbatim të planit të migrimit të hartuar nga ARKEP për implementimin e kodit +383, Telekomi i Kosovës i ka marrë në vazhdimësi të gjitha veprimet e duhura teknike dhe operative për ta funksionalizuar përdorimin e kodit të ri dhe largimin përfundimtar të kodit +381”, deklaroi Zv. Kryeshefi Ekzekutiv i Telekomit të Kosovës, z. Nuredin Krasniqi.

Ai gjithashtu nënvizoi se shumë pengesa që kishte deri më tani Telekomi i Kosovës, janë eleminuar dhe në këto rrethana të reja të krijuara, tashmë me kodin e ri, përfitues do të jenë direkt qytetarët e Kosovës dhe vetë shteti i Kosovës. /INFOKUSI.COM/

Subscribe në YouTube: GAZETA INFOKUSI
Etiketa:
Ku mos mu HUTU me BLACK FRIDAY Artmotion
-Advertisement-

Të tjera

Fokusi

ekonomi