Japonia do të financojë shtatë projekte në Kosovë
Autori: Gazeta inFokus 12:09 | 20 March 2018
Qeveria e Japonisë do të mbështesë dhe të financojë shtatë projekte, të cilat kapin vlerën e më shumë se 470 mijë euro dhe këto projekte kanë të bëjnë me zhvillim ekonomik, media, të rinj, kulturë dhe sport.
Kjo është bërë e ditur gjatë një takimi që ambasadori i Japonisë në Austri përgjegjës për Kosovën Kiyoshi Koinuma pati në Odën e Ekonomike të Kosovës.
Diplomati japonez tha se nga ajo që ka parë gjatë vizitës në Kosovë është se ekonomia e saj ka vazhduar të ketë rritje.
Po ashtu, ai shprehu dëshirën që shteti i tij të ketë bashkëpunim edhe më të madh biznesor me Kosovën.
“Që nga pavarësia e Kosovës Japonia ka kontribuar në zhvillimin e Kosovës dhe siç thashë këtë herë kam parë shumë vend punishte në Kosovë dhe ndërtesa të reja që po ndërtohen. Gjithashtu kam parë edhe makina të reja, duke i përfshirë edhe Toyota japoneze që do të thotë që ekonomia e Kosovës ka vazhduar të ketë rritje. Çka kishim dashur të bëjmë është që në vazhdimësi të japim asistencë për zhvillimin ekonomik në Kosovë, gjithashtu për ne do të ishte shumë e rëndësishme edhe bashkëpunimi biznesor me Kosovën”, tha ai.
Ndërkaq, kryetari i Odës Ekonomike të Kosovës, Safet Gërxhaliu, duke vlerësuar mbështetjen që shteti japonez ka dhënë për Kosovën që nga viti 1999, ka thënë se edhe grantet e ndara gjatë ditës së sotme mbështetin pikat më sensitive dhe të rëndësishme të Kosovës.
“E veçanta e këtyre granteve dhe kësaj mbështetje është që i prek pikat më sensitive dhe më të rëndësishme për Kosovën sot dhe nesër, që ka të bëjë me ambientalizëm, ka të bëjë me ekonomi dhe zhvillim ekonomik, ka të bëjë me media dhe me të rinj, ka të bëjë me kulturën, sport dhe me shumë fusha të tjera të rëndësisë strategjike për ardhmërinë e Kosovës. Një shtet që dhuron edukim dhe e bart përvojën e vet është shtet mik dhe këtë është duke e bërë Japonia në mënyrën më të argumentuar”, tha ai.
Gërxhaliu ka bërë të ditur se Japonia do të ofrojë mbështetje edhe për xhudon.
“Sot është nënshkruar dhe është miratuar një mbështetje për sportin dhe kulturën e Kosovës si një dëshmi që Japonia i vlerëson dhe i promovon vlerat e Kosovës. Në vitin 2016 Majlinda Kelmendi në Rio de Zhaneiro fitoj medaljen e parë të artë dhe sot populli dhe qeveria e Japonisë ndan grant për të mbështetur këtë sport. E bënë këtë mu si një përgatitje për xhudo dhe sportin kosovar që të jetë i gatshëm për sfidat e Lojërave Olimpike në vitin 2020 në Tokio dhe e tëra kjo dëshmon sinqeritetin dhe mbështetjen drejt ardhmërisë së Kosovës si shtet i ri”, tha Gërxhaliu.
Oda Ekonomike e Kosovës nderoi ambasadorin japonez me një dhuratë modeste në shenjë falënderimi për kontributin që shteti i Japonisë ka dhënë në Kosovë.
Të tjera
-
Bislimi udhëton në Bruksel, nesër pritet takim me Petkoviqin
Zëvendëskryeministri i Kosovës Besnik Bislimi, nesër në Bruksel pritet të tak...
-
Stoltenberg: Vendet të vendosin vetë nëse mund Ukraina t’i përdorë armët me rreze të gjatë në Rusi
Shefi në largim i NATO-s, Jens Stoltenberg, ka thënë të hënën se i mirëpret b...
-
Molliqaj publikon foto të Kurtit dhe Elbert Krasniqit në veri: Mashtrimi dhe realiteti
Kryetari i Partisë Socialdemokrate, Dardan Molliqaj, ka postuar dy fotografi ...
-
Kurti: Bashkë do të sigurojmë që Kosova të jetë një vend më i banueshëm, me i qëndrueshëm dhe i sigurt për brezat e ardhshëm
Kryeministri i Republikës së Kosovës, Albin Kurti, gjatë pasdites mori pjesë ...
-
Lladrovci: Duhet të ndalet degradimi i shtetit, zgjedhjet e 9 shkurtit janë rast t’i jepet fund qeverisjes aktuale
Kryetari i Drenasit që vjen nga rradhët e PDK-së, Ramiz Lladrovci ka reaguar ...
-
Kurti i shkon në vizitë Sabri Fejzullahut: Për ditëlindjen e tij të 77-të na pritën me ngrohtësi
Kryeministri Albin Kurti e ka vizituar këngëtarin e mirënjohur Sabri Fejzulla...
-
Ardita Sinani njoftim të rëndësishëm qytetarëve në Preshevë për problemin me qentë endacak
Kryetarja e Preshëvës, Ardita Sinani, njofton qytetarët se nga nesër do të fi...
-
Përurohet Shtëpia e Kulturës në Suharekë, Haradinaj: Komunat tona po luftojnë të përparojnë pa mbështetjen e duhur nga niveli qendror
Kryetari i Aleancës për Ardhmërinë e Kosovës (AAK), Ramush Haradinaj, ka vizi...
-
Dënohen me mbi 12 vjet burgim nëntë të akuzuarit për dëmtim të buxhetit mbi 2 milionë euro
Gjykata Themelore në Prishtinë në rigjykim, ka dënuar me 12 vjet e 9 muaj bur...
-
Agim Bahtiri e lëshon edhe këtë deklaratë: Edhe 146 ditë vendi mbetet pa opozitë
Ish-kryetari i Mitrovicës, Agim Bahtiri, ka befasuar me deklaratën e dhënë së...
-
Kusari-Lila: PDK, gjithçka munden me qenë veç liberalë jo
Shefja e Grupit Parlamentar e Lëvizjes Vetëvendosje, Mimoza Kusari-Lila ka th...
-
Ministrja gjermane: Kosova dhe Gjermania po bashkëpunojnë për një Evropë të gjelbër
Ministrja Federale gjermane për Klimë, Anna Lührmann, dhe kryeministri i Koso...