Lajme

Dallaveret e Lutfi Hazirit me tender, e lënë shkollën pa nxemje (Dokument)

Autori: Gazeta inFokus 17:33 | 09 February 2018

Shkolla fillore “Musa Zajmi” në Gjilan rrezikon të mbetët pa nxemje qendrore. E gjithë kjo pasi sipas Gjykatës se tenderëve siç njihet ndryshe Organi Shqyrtues i Prokurimit, komuna e Gjilanit e udhëhequr nga Lutfi Haziri nuk i ka respektuar në tërësi dispozitat e Ligjit për Prokurimin Publik , shkruan Infokusi.com.

“Eksperti shqyrtues bazuar në konstatimet e cekura në ekspertizë mendon se AK-KK Gjilan për aktivitetin e prokurimit “Furnizim dhe montim i nxemjës qendrore në sallën e edukatës fizike në SHf “Musa Zajmi” –Gjilan me nr prokurimi 651/17/4878//121/ nuk I ka respektuar në tërësi dispozitat e LPP-së “, thuhet në njoftimin e OSHP-së.

Më tej në njoftimin e Organit Shqyrtues të Prokurimit kërkohet që ankesa e OE ankues të aprovohet si e bazuar dhe aktiviteti të kthehet në ri-vlerësim

-Advertisement-

“Prandaj eksperti shqyrtues i propozon panelit shqyrtues që të anuloj vendimin e AL-së për dhënie të kontratës, ndërsa ankesa e OE ankues të aprovohet si e bazuar dhe njëherit propozon që ky aktivitet të ri-vlerësohet”, përfundohet në njoftimin e OSHP-së./INFOKUSI