Lajme

Kështu do të duket pika kufitare Kosovë-Serbi

Autori: Gazeta inFokus 14:51 | 30 January 2018

Pika kufitare në Merdare që lidh Kosovën me Serbinë, do të ketë një pamje krejt tjetër nga ajo që ishte kohë më parë.

Vitin e kaluar ishte nisur një projekt i cili kishte për qëllim rregullimin e pikës kryesore doganore që lidhte Kosovën dhe Serbinë, e kjo gjë është thuajse në përfundim.

Siç thonë nga BE’ja, kjo pikë kalimi do të lëshohet pjesërisht në muajin maj, ndërkohë që për kompletimin e projektit, nuk dihet akoma saktë.

-Advertisement-

E punët në këtë projekt i vizitoi dje Zëvendës Shefi i EULEX Kosova, Bernd Thran, së bashku me Këshilltarin Doganor për MIK të EULEX-it, Alan Wilson. Ata u shprehën të ngazëllyer me këtë projekt.

Kur të hapet për qarkullimin e automjeteve, Merdare do t’i ketë disa karakteristika të ndryshme ekologjike, nga pesë korsi për qarkullimin e automjeteve në secilin drejtim, objektet dhe pajisjet më moderne, si dhe do të jetë ajo që z. Thran e përshkruan si “PKP-ja më moderne dhe bindshëm më mbresëlënësja në Ballkanin Perëndimor “.

Ndryshe, në Merdare zakonisht ka fluks më të madh të kalimit të mauneve me mallra, por edhe të qytetarëve kosovarë që jetojnë në diasporë.