Lajme

Kthehen kolonat e gjata në kufi (Foto/Video)

Autori: Gazeta inFokus 10:16 | 21 December 2017

Mërgimtarët kosovarë edhe këtë fundvit po përballen më pritje të gjata për të hynë në territorin e Kosovës. Aktualisht kolona janë krijuar në hyrje të Kosovës në pikën kufitare Merdare që lidhë Kosovën me Serbinë, shkruan Infokusi.com

Lexues të portalit “Infokusi” kanë dërguar fotografi dhe video ka vendi i ngjarjes duke treguar se pritjet po zgjasin me orë të tëra.

“ Ne pjesën e Serbisë në kufirin në Merdare janë krijuar kolona të gjata. Kolonat kanë arritur deri në 3 kilometra dhe po presim me orë të tëra” ka thënë një lexues i portalit “Infokusi”.

-Advertisement-

Dukuria e krijimit të kolonave të gjata për të hyrë në territorin e Kosovës tashmë është bërë pjesë e pandashme e mërgimtarëve kosovarë, ata përballën me të gjatë tërë sezonit së verës, para festave të fundvitit dhe para çdo feste për të cilën ia mësynë Kosovës, shkruan Infokusi.com

Numri i qytetarëve të Kosovës që jetojnë në vende të ndryshme të Evropës dhe botës, të cilët i janë përgjigjur regjistrimit, është rreth 350 mijë, por thuhet se ky numër është shumë më i madh dhe atë afër 1 milion qytetarë.

Shteti ku më së shumti kanë emigruar kosovarët, është Gjermania me 35.25 për qind, pasuar nga Zvicra me 22.94 për qind./INFOKUSI.