Sport

Monako ‘ngec’ sërish, vetëm barazim ndaj debutuesve

Autori: Gazeta inFokus 09:15 | 18 November 2017

Debutusit në Ligën e Parë franceze, Amiens, mundën t’i marrin një pikë kampionëve në fuqi të Francës, në një ndeshje ku skuadra e Monakos bëri më mirë se miqtë vetëm në kontrollin e topit, i cili në fund vlen pak nëse nuk finalizohet.

Vendasit dhe pse në vendet e fundit të klasifikimit luajtën si të barabartë me Monacon duke shënuar madje të parët, në të 31-tën me Gakpe që shfrytëzoi një pasim të artë të Kakutas.

Epërsia e Amiens zgjati për plot 36 minuta deri në çastin kur Jovetiç shënoi golin e barazimit me një goditje të saktë brenda në zonë.

-Advertisement-

Pavarësisht ndonjë përpjekje të Monacos rezultati deri në fund nuk ndryshoi me Amiens që falë kësaj pike doli më në fund nga zona e ftohtë ndërsa Monaco kryqëzon tashmë gishtat duke shpresuar në një hap fals të PSG këtë të shtunë dhe pse me formën që parizienët kanë treguar, diçka e tillë të paktën në letër duket e pamundur.

Në ndeshjen që hapi javën e 13-të të Ligue 1, Lille e Marcelo Bielsas regjistroi fitoren e dytë radhazi pasi mposhti 3-1 Saint Ettiene.

Subscribe në YouTube: GAZETA INFOKUSI
Etiketa:
Comodita Home dhe Prince Caffe: Sponsor të përgjithshëm të Sunny Hill Festival
-Advertisement-

Të tjera

Fokusi

sport