Sport

Kjo është befasia e Panuccit për ndeshjen me Spanjën dhe Italinë

Autori: Gazeta inFokus 19:37 | 02 Tetor 2017

Mesfushori Emanuele Ndoj është ftuar për herë të parë në Kombëtaren shqiptare për ndeshjet ndaj Spanjës dhe Italisë

Përveç rikthimeve të Xhakës, Cikalleshit, Lenjatit dhe Kaçes, trajneri i Kombëtares Panucci ka ftuar për herë të parë edhe mesfushorin e Breshias, Emanuele Ndoj.

Në një intervistë për Top Channel, lojtari 20-vjeçar është shprehur i emocionuar për ftesën e marrë për dy ndeshjet e radhës me Kombëtaren ndaj Spanjës dhe Italisë, ndërsa thotë se është i gatshëm në çdo moment për të dhënë më të mirën e tij për kuqezinjtë.

-Advertisement-

“Jam shumë i kënaqur. Nuk e mendoja se do të merrja një ftesë në këto momente nga Panucci. Unë jam i gatshëm për Kombëtaren nëse trajneri do të vendosi të më aktivizojë. Por jam i ndërgjegjshëm dhe jam i ri, pres momentin tim”, tha Ndoj.