Lajme

Edhe kandidati i LDK-së shkel rregullat e fushatës zgjedhore (Foto)

Autori: Gazeta inFokus 20:53 | 24 September 2017

Kandidati për asamblist nga radhët e LDK-së në Prizren, Xhavit Ukaj ka shkelur rregullat zgjedhore.

Të paktën kështu pretendon pjesëtari i shoqërisë civile, Hajrullah Çeku.

Ai në një shënim në Facebook ka thënë se vendosja e posterit te Kino Lumbardhi është vepër penale dhe shkelje e rregullave zgjedhore, raporton Gazeta Blic.

-Advertisement-

Pos Ukajt, gjatë kohës së fushatës zgjedhor për zgjedhjet parlamentare të qershorit, njëjtë kishte vepruar edhe zëvendëskryetari i PDK-së, Enver Hoxhaj, i cili edhe ishte gjobitur nga PZAP për një veprim të tillë.

Në vazhdim e gjeni shënimin e plotë të Çekut:

Prap poster partiak në Kino Lumbardhi, aset i mbrojtur i trashëgimisë kulturore. Këtë herë me dëmtime fizike ndaj monumentit (gozhda të ngulitura në murin e monumentit).

Sipas Kodit Penal të Kosovës, dëmtimi i monumentit të mbrojtur paraqet vepër penale. Gjithashtu, ky veprim paraqet shkelje të rregullave të fushatës zgjedhore. Prandaj, i ftoj Qendrën Rajonale për Trashëgimi Kulturore në Prizren (Samir Hoxha) dhe Këshillin për Trashëgimi Kulturore të Qendrës Historike (Arbnor Morina) të ndërmarrin veprime për largimin e posterit dhe dërgimin e përgjegjësve në organet e drejtësisë.

Në të njëjtën kohë, i lus aktivistët e Institutit Demokratik të Kosovës (Ismet Kryeziu) të na ndihmojnë në paraqitjen e këtij rasti në Panelin Zgjedhor për Ankesa dhe Parashtresa.

Subscribe në YouTube: GAZETA INFOKUSI
Etiketa:
Nis bashkëpunimi serioz dhe strategjik midis Comodita dhe JYSK International
-Advertisement-

Të tjera

Fokusi

lajme