Selim Pacolli, kandidati për kryetar të Komunës së Prishtinës si duket nga dita e parë e fushatës elektorale i ka hyrë kësaj gare më shumë seriozitet dhe përkushtim qe synon fitore.

E nisi me një fushatë ndryshe nga të tjerët, duke kërkuar nga dita e parë qe se bashku me qytetarët të identifikojnë problemet e Prishtinës. Kampanja e nisur me lansimin e numrit personal për të komunikuar drejtpërdrejt me qytetarët e pastaj për të vazhduar edhe me një koncept krejtësisht të ri të planeve dhe ideve se si duhet të zhvillohet kryeqyteti.

Në një intervistë për portalin INFOKUSI, Selim Pacolli i cili është kandidat i nominuar nga Aleanca Kosova e Re, ka shpalosur një pjesë të projekteve të tij dhe prioriteteve të cilat mendon se janë të nevojshme për të sjellë ndryshime të kryeqytetit.

-Advertisement-

Ai thotë se përkushtimi i tij  është të përmirësojë gjendjen ekonomike, sociale, urbane, infrastrukturën, shërbimet administrative-publike dhe të sjellë një energji të re në qeverisjen e komunës.

INFOKUSI: Ka filluar gara për te parin e Prishtinës.  Cili është objektivi i juaj i parë në cilësinë e kandidatit ?

Selim Pacolli: Në momentin që unë kam vendosur të pranoj propozimin për të kandiduar për Prishtinën, objektivi im primar është që të ndajmë konceptin e Prishtinës, si qendër administrative shtetërore dhe Prishtinës,  si adresë e përgjegjësisë për qytetarët e saj.

Prishtina, përveç se është qendër administrative, njëkohësisht  është qyteti ku janë të koncentruar pjesa dërmuese  e aktiviteteve ekonomike në nivel vendi. Si rezultat i kësaj  Prishtina është ballafaquar me një rritje të shpejtë të numrit të banorëve, dhe rrjedhimisht kjo nënkupton shumëfishim te problemeve sociale, të infrastrukturës dhe përgjithësisht të shërbimeve publike. Duke i pasur parasysh te gjitha këto Prishtina ka nevoje për energji te re, qasje te re e mbi te gjitha pune e pragmatizëm.

INFOKUSI: Atëherë, sipas vështrimit tënd,  çfarë trajtimi i duhet problemeve në kryeqytet ?

Selim Pacolli: Ne vlerësimin tim,   është bindja, se qytetarëve,  nuk u interesojnë lojërat politike që kanë përcjellë gjatë gjithë periudhës se pasluftës qeverisjen e kryeqytetit, prandaj garën për Prishtinën,  unë nuk e shoh në këndvështrimin qe aktualisht po e trajtojnë subjektet tjera politike.

Është koha e fundit ku Prishtina duhet te trajtohet ne dimensionin e saj real, dhe jo përditshmëria qytetare e mbushur me probleme e shqetësime sociale të mbetet peng i zhvillimeve politike. Rrjedhimisht, Niveli Qendrorë, të merret me zhvillimin e politikave  te veta për të gjithë vendin, ndërsa niveli lokal në bashkëpunim të ngushtë me qytetarët  të bëjë politikat e menaxhimit të Prishtinës.

INFOKUSI: Qeverisjet e kaluara kanë lënë shumë projekte vetëm si ide elektorale, shumë të tjera të nisura e të lëna në gjysmë,… pra shumë probleme të pazgjidhura ?

Selim Pacolli: Duke qenë se nuk jam një politikan tipik, por me tepër një menaxher,  unë nuk do te shpenzojë kohen duke u marrë me akuza e fajësime me ngjyra e motive politike, pasiqe Prishtina është këtu, ajo flet vet, dhe qytetaret nuk dyshoj se do dinë te bëjnë vlerësimin në mes asaj qe është bërë dhe asaj qe do të mund te bëhej.

INFOKUSI: Po pas konstatimit te kësaj gjendje, cilët do jene hapat konkret?

Selim Pacolli: I vetëdijshëm për gjendjen ku është Prishtina:  kaosin ekonomik, social, urban, infrastrukturorë, shërbimet administrative-publike, unë nuk do te preferoj te merrem vazhdimisht  me konstatim te kësaj gjendje, por unë do te marrë përgjegjësi për të zgjidhur gjërat qe nuk kanë shkuar siç duhet.

Pra,  potenciali im dhe subjektit që përfaqësoj do të orientohet direkt me punët  që kam përballë, që do të thotë te fillojmë të evitojmë, përmirësojmë, sanojmë  këto mangësi , derisa për projektet e reja se bashku me qytetaret te vlerësojmë se cilat janë alternativat me të mira për ti realizuar ato.

Por siç thash,  unë nuk do te merrem me rrjedha  të mëparshme, duke ri-sjellë vazhdimisht ne mendje çfarë nuk është bërë ne këto katër vjet,  apo ne vitet tjera pararendëse te këtij mandati.

Si pjesë e kësaj shoqërie, në një mënyrë apo tjetër unë kam bashkudhëtuar me problemet dhe preokupimet e qytetareve te Prishtinës. Prandaj , jo vetëm nga takimet e tanishme, por gjate gjithë kësaj periudhe qe po i referohemi , kam vërejtur se qytetaret  kanë nevojë jo vetëm për projekte apo programe, por për një menaxher praktik që këto letra, t’i shndërrojë ne realitet.

INFOKUSI: Një prej problemeve qe kanë përshkuar qeverisjet e kaluara është edhe komunikimi me publikun, keni ndonjë ide për te përmirësuar këtë relacion ?

Selim Pacolli: Jemi mësuar te dëgjojmë një koncept formal se kryetari  i komunës është qytetari i parë i Prishtinës. Ne e dimë se kryetarët e komunave zgjidhen në mënyrë të drejtpërdrejtë, dhe kjo është gjë e mirë, por kjo nuk nënkupton qe kryetari te shndërrohet në një autoritet , duke  përqendruar pushtetin përmes një procesi politik që në esencë nuk është në pajtim  me vullnetin e popullit.

Prandaj,  në vlerësimin tim,  kryetari i komunës është përgjegjësi i parë dhe adresa permanente,  ku qytetarët shprehin shqetësimet dhe hallet e tyre dhe jo përfituesi i parë i privilegjeve dhe preferencave duke përdorur pozitën e tij politike.

Për mua po ashtu është shumë e rëndësishme, dhe e kam nder objektivat primare funksionalizimin e një platformë të qartë komunikimi me publikun dhe qytetarët, në mënyrë që të sigurohet që politikë-bërja në nivel komunal të jetë, gjithëpërfshirëse dhe transparente. /INFOKUSI

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-