Katari bëri një sërë marrëveshjesh sekrete me fqinjët e Gjirit në vitin 2013 dhe 2014, duke ndaluar mbështetjen për grupet kundërshtare dhe armiqësore në këto vende, si dhe në Egjipt dhe Jemen.

Ekzistenca e marrëveshjeve ka qenë e njohur, por përmbajtja e dokumenteve mbahen sekrete për shkak të ndjeshmërisë së çështjeve të përfshira dhe faktit se ato u pajtuan privatisht nga krerët e shteteve. Marrëveshjet u siguruan ekskluzivisht nga CNN, transmeton Infokusi.

Vendet e Gjirit kanë akuzuar Katarin se nuk po përmbush dy marrëveshjet, gjë që ndihmon në shpjegimin e asaj që ngjalli krizën më të keqe diplomatike në Lindjen e Mesme në dekada.

Qëndrimi ne marrëveshje ishte midis gjashtë parimeve që kombet e Gjirit vendosën si kërkesa për të ndrequr marrëdhëniet me Katarin në një deklaratë të lëshuar javën e kaluar.

Në një deklaratë për CNN, Katari akuzoi Arabinë Saudite dhe Emiratet e Bashkuara Arabe se ka thyer shpirtin e marrëveshjes përmes një “sulmi të paprovokuar mbi sovranitetin e Katarit”.

Marrëveshja e parë – e shkruar me dorë dhe e datës 23 nëntor 2013 – është nënshkruar nga Mbreti i Arabisë Saudite, Emiri i Katarit dhe Emiri i Kuvajtit. Ai përcakton angazhime për të shmangur çdo ndërhyrje në punët e brendshme të kombeve të tjera të Gjirit, duke përfshirë ndalimin e mbështetjes financiare ose politike të grupeve “devijante”, që përdoret për të përshkruar grupet anti-qeveritare të aktivistëve, transmeton infokusi.com

Marrëveshja, e përmendur si “Marrëveshje Riad”, përmend në mënyrë specifike mos mbështetjen e Vëllazërisë Myslimane, të cilën aleatët e Gjirit kanë pohuar në mënyrë të përsëritur përkrahjen e Katarit, si dhe nuk mbështesin grupet e opozitës në Jemen që mund të kërcënojnë vendet fqinje.

Në marrëveshjen e parë, vendet u zotuan gjithashtu qe të mos mbështesin “mediat antagoniste”, një referencë e dukshme ndaj Al Jazeera – stacionit të lajmeve satelitore të bazuar në Katar dhe financuar nga qeveria e tij – të cilat shtetet e tjera të Gjirit akuzojnë për trumbetimin e grupeve opozitare në Rajon duke përfshirë Egjiptin dhe Bahreinin, tranmseton Infokusi.com

Një marrëveshje e dytë e datës 16 nëntor 2014. Aty përmendet në mënyrë specifike angazhimin e nënshkruesve për të mbështetur stabilitetin e Egjiptit, duke përfshirë parandalimin e përdorimit të Al Jazeera si një platformë për grupe ose figura që sfidojnë qeverinë egjiptiane/INFOKUSI

Fito 50 € për dyshekun e vjetër dhe merr dyshkeun e ri Cloud për vetëm 549 €

Sponsoruar