Lajme

Sociologia serbe e quan poshtërim të Serbisë veprimin e kryeministres Bernabiq

Autori: Gazeta inFokus 15:20 | 07 Korrik 2017

Ajo që bëri kryeministresha e Serbisë, Ana Bernabiq, kur i ra në gjunjë ambasadorit rus duke ia dorëzuar stenogramin e intervistës së saj dhënë agjencisë amerikane të lajmeve, Blumberg, përbën deri më sot poshtërimin më të madh të Serbisë. Kështu u shpreh sociologia serbe Vesna Peshiq, gjatë një interviste për Radio Evropën e Lirë.

“Që ajo të shkojë dhe që këtë stenogram t’ia jep për ta parë dhe të arsyetohet para ambasadorit rus, më besoni, më duhet ta them për herë të parë, dhe ju e dini se unë nuk luaj me gjera të tilla, se askujt nuk i ka shkuar ndërmend që kaq shumë ta poshtërojë Serbinë ashtu siç ka bërë ajo”, ka thënë Peshiq.

“Madje edhe nëse ka gabuar për shkak të mungesës së përvojës”, është shprehur ajo, “është e papranueshme që ajo të shkojë te ambasadori ose te kushdo tjetër dhe t’ia çojë atij çfarëdo stengorami duke iu gjunjëzuar”

-Advertisement-

“Ajo me gjasë ka harruar se mban funksionin më të lartë në shtetin tonë”, tha Peshiq.

“Që ajo të shkojë dhe të arsyetohet njëfarë ambasadori atje, ndërkaq edhe unë kam qenë ambasadore, kjo është absolutisht e paimagjinueshme dhe t’ju them se për herë të parë ndihem e fyer kombëtarisht”, citon Vesna Peshiqin Radio Evropa e Lirë në gjuhën serbe.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy