Reagime të ashpra pas tërheqjes së SHBA-së nga Marrëveshja për Klimën
Autori: Gazeta inFokus 13:12 | 02 June 2017
Aleatët dhe rivalët e Shteteve të Bashkuara e dënuan vendimin e presidentit amerikan, Donald Trump për t’u tërhequr nga marrëveshja klimatike e Parisit, duke hedhur poshtë ofertën e tij për të rinegociuar marrëveshjen.
“Ne jemi të bindur se marrëveshja nuk mund të rinegociohet”, kanë thënë udhëheqësit e Francës, Gjermanisë dhe Italisë në një deklaratë të përbashkët ku thuhet se vendimi i Trumpit është për “keqardhje”.
Me anë të kësaj deklarate këto vende i kanë bërë thirrje dhe vendeve të tjera të botës “të përshpejtojnë veprimet për të luftuar ndryshimet klimatike”.
Këto deklarata vijnë pas vendimit të presidentit të Shteteve të Bashkuara, Donald Trump, që SHBA-ja të tërhiqet nga Marrëveshja e Parisit për Klimën.
Trump tha se ai “brengoset thellësisht për mjedisin”, porse “nuk mund të mbështesë një marrëveshje që ndëshkon SHBA-në”.
Ai tha se do të nisë negociatat “për të rihyrë në Marrëveshjen e Parisit, ose në një marrëveshje krejtësisht të re”.
Presidenti francez Emmanuel Macron, i ka thënë presidentit amerikan Donald Trump përmes telefonit, se në marrëveshje “nuk kishte vend për ri-negociim”.
“Nuk do të ketë plan B, sepse nuk ka planet B”, ka thënë më pas Macron, përmes një paraqitjeje televizive.
“Ne, në asnjë mënyrë nuk do të negociojmë një marrëveshje më pak ambicioze”.
Presidenti i Komisionit Evropian Jean-Claude Juncker e ka quajtur vendimin e presidentit Trump “të gabuar”.
Edhe aleatët e afërt të SHBA-ve, Britania e Madhe, Gjermania dhe Japonia kanë shprehur “keqardhjen” dhe “zhgënjimin” për largimin e SHBA-ve nga Marrëveshja e Parisit.
Kina e ka vlerësuar vendimin e presidentit Trump, si “pengesë globale”, sipas agjencinë shtetërore të lajmeve Xinhua.
Xinhua e hodhi poshtë arsyetimin e Trumpit se largimi nga marrëveshja “është bërë për ruajtur interesat e SHBA-ve. “
“Ne vetëm mund të supozojmë se Trump ka arsye shumë të mira për t’u tërhequr nga marrëveshja e Parisit dhe se është në dijeni për implikimet që mund t’i ketë Amerika pas largimit nga marrëveshja historike”.
Rusia ka thënë se edhe pse e ka “respektuar” vendimin e Trumpit, ajo nuk planifikon që të “braktisë” marrëveshjen.
“Rusia është e përkushtuar ndaj marrëveshjes”, ka thënë zëvendës ministri i jashtëm rus Sergei Ryabkov për agjencinë e lajmeve TASS. “Është pretendim i gabuar se marrëveshja e Parisit është e njëanshme ose jofitimprurëse”.
Në Shtetet e Bashkuara, Trump mori reagime të përziera. Republikanët në Kongres kanë lavdëruar guximin e tij në sfidimin e 194 vendeve të tjera që u bashkuan me marrëveshjen, duke hedhur poshtë atë që ata e quajtën si marrëveshje “të papërpunuar” për Shtetet e Bashkuara.
Në anën tjetër, demokratët e kanë kritikuar vendimin e tij dhe e kanë konsideruar largimin nga Marrëveshja e Parisit, si “tragjedi për mjedisin” dhe “heqje dorë nga udhëheqja” e skenës botërore. /rel/
Të tjera
-
Ministri Maqedonci thotë se do vazhdojë investimin në Forcën e Sigurisë së Kosovës
Në margjina të forumit “Defense 24”, që u mbajt në Poloni, ministri i Mbrojtj...
-
Bashkëshortja i del në krah Hysen Durmishit: Ushtari i vërtetë mbetet i tillë gjithë jetën
Mirjeta Durmishi, bashkëshortja e zëvendësministrit Hysen Durmishi, ka dalë m...
-
Kurti për çështjen e dinarit: Guvernatori i BQK-së nuk më raporton mua, por Kuvendit
Kryeministri i Kosovës, Albin Kurti, tha sot se ka pasur përpjekje të vazhdue...
-
Zgjedhjet në Maqedoninë e Veriut, Osmani: Sonte do të mund të vazhdojmë rrugëtimin drejt BE-së
Kandidati për president nga radhët Frontit Evropian në Maqedoninë e Veriut, B...
-
Haradinaj në Gjakovë, lavdëron punën e Ardian Gjinit
Kryetari i Aleancës për Ardhmërinë e Kosovës (AAK), Ramush Haradinaj, ka vizi...
-
Berisha pasi Kurti tha publikisht se Asociacioni është kusht për KiE: Kosova për të është instrument për planet personale
Ish-zv.ministri i Jashtëm i Kosovës, Anton Berisha ka kritikuar kryeministrin...
-
Anëtarësimi në KiE në pikëpyetje, Kurti: S’e mendonim që pengesë do të bëheshin shtetet demokratike, përkrahëse të Kosovës
Fillimisht e përmendi “votimin e fuqishëm” në Asamblenë Parlamentare të Këshi...
-
Varrosẻt Alma Arrazi gruaja që u hodh në lumin Buna me fëmijë
Është përcjellë në banesën e fundit Alma Arrazi, gruaja që u hodh në lumi...
-
Kurti bën homazhe në Saradran të Istogut: Gjaku i tyre nuk shlyhet kurrë
Kryeministri i Kosovës, Albin Kurti, mëngjesin e sotëm në 25 vjetorin e masak...
-
Pas gati tri orësh përfundon intervistimi i Hysen Durmishit në Prokurorinë Speciale
Pas gati tri orësh ka përfunduar intervistimi i zëvendësministrit të infrastr...
-
Kurti: Nuk e pranojmë kushtëzimin për anëtarësim në KiE me Asociacionin – dialogu në Bruksel, jo në Strasburg
Kryeministrin Albin Kurti ka thënë se qeveria që ai drejton ka punuar parresh...
-
Aksidenti afër konvikteve: Dy persona në gjendje të rëndë, njëri nga ta do të dërgohet në intensivë
Gjashtë persona kanë mbetur të lënduar nga një aksident që ka ndodhur sot afë...