Lajme

Kurti i ndërron fjalët në fushatë, tani ka respekt për flamurin e Kosovës

Autori: Gazeta inFokus 12:14 | 23 Maj 2017

I nominuari për kryeministër nga Vetëvendosja, Albin Kurti, pas një ligjërate me studentë në Kolegjin ISPE, në një konferencë për media, i pyetur nëse partia e tij, Vetëvendosje, i pranon simbolet e Kosovës, ai është treguar i rezervuar në përgjigjet e tij, duke thënë se ata nuk i dëmtojnë simbolet e shtetit.

“Ne gjatë vizitave jashtë shtetit, nuk i kemi hequr ato e as nuk i kemi dëmtuar. Kosova meriton simbole më të mira, por nuk duhet të merremi me simbolika. Kosovës i takon edhe meriton simbole të tjera”.

Kurti ka folur edhe për mundësinë e ndryshimit të simboleve, duke përfshirë edhe flamurin, raporton Gazetametro.net.
“Çfarëdo ndryshimesh që do t’i bëjmë, do t’i bëjmë me ndryshime ligjore. Ajo për të cilën është e angazhuar Vetëvendosja, do të jetë substanca e shtetit të Kosovës, e jo simbolikat”.

-Advertisement-

Ndërsa i pyetur për një reklamë të PDK-së, ku Vetëvendosja paraqitet si parti që djeg vetura, Kurti ka thënë se nuk e ka parë atë reklamë, por sipas tij, partia që ai përfaqëson nuk funksionon me bateri.

“Vetëvendosje nuk funksionon me bateri. Nuk ka burim material të energjisë. Dhe nuk duhet ta merrni PDK-në më seriozisht sesa Vetëvendosjen”, ka thënë Kurti.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy