Universiteti Prishtinës (UP) ka shpallur tender për akordimin e pianove, e ku për këtë qëllim ka parapara të shpenzoj rreth 2,000 euro.

Në njoftimin e publikuar në ueb faqe të Komisionit Rregullativ të Prokurimit Publik (KRPP) thuhet se kjo kërkesë për tender është konsideruar si e nevojshme nga Fakulteti i Arteve, e cila ka për qëllim akordimin e pianove dhe riparimin e tyre. Aty më tutje thuhet se vlera e parashikuar e kontratës është 1980 euro, raporton infokusi.com.

“Autoriteti Kontraktues (AK) përmes kësaj procedure të prokurimit do të përzgjedhë  një Operator Ekonomik që do të ketë kapacitetin  për Shërbimet e  Akordimit të Pianove dhe riparimi i 20 copëve të specifikuar edhe me detajisht në dosje të tenderit”thuhet në njoftimin e publikuar.

-Advertisement-

Për kompanitë që dëshirojnë të aplikojnë në këtë proces të prokurimit duhet të kenë Certifikatën e Regjistrimit të Numri Fiskal te lëshuar nga Administrata Tatimore e Kosovës, raporton infokusi.com.

Po ashtu, operatori ekonomik duhet të ofrojë dëshmi se ka përfunduar me sukses së paku  tri kontrata të natyrës se ngjashme  në tri vitet e fundit (2014, 2015, 2016).

“Një Listë e shërbimeve të natyrës se ngjashme të realizuara në tri vitet e fundit duke saktësuar  shërbimet e kryera, shumën e kontratës vendin, datën  si dhe nr e prokurimit, kjo listë duhet te jetë e nënshkruar dhe  e vulosur nga kompania (origjinal),  po ashtu duke i bashkangjitur së paku  tri  referencat përkatëse ose raportet e pranimit si dëshmi se kontrata është përmbushur me sukses. (kopje)”thuhet më tutje në njoftimin e publikuar në ueb faqe të KRPP-së, raporton infokusi.com.

Më tutje në njoftimin e KRPP-së thuhet se në bazë të aplikacioneve të pranuara, më së shumti 6 kandidat do të ftohen për të dorëzuar tenderët e detajuar të kësaj kontrate.

“Nëse më shumë se 6 kandidat të përshtatshëm i plotësojnë kriteret e mësipërme të përzgjedhjes, përparësitë dhe dobësitë relevante  të aplikacioneve të këtyre kandidatëve do të ri-ekzaminohen për të identifikuar gjashtë aplikacionet më të mira për procedurën e tenderit”thuhet në njoftim. Hapja e tenderëve për këtë proces prokurimi do të behët më 24  maj të këtij viti në orën 14:30.  / INFOKUSI

 

 

 

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-