Lajme

Daçiq: Shqiptarët luajtën lojën për gjithçka ose asgjë

Autori: Gazeta inFokus 10:41 | 28 Prill 2017

Ministri i jashtëm i Serbisë, Ivica Daçiq, ka vazhduar komentet e tij në lidhje me ngjarjet e fundit pas lirimit të Ramush Haradinajt nga gjykata franceze si dhe për “lojën” e shqiptarëve në rajon.

Daçiq tha se vendimi i gjykatës franceze që të lirojë Ramush Haradinajn është politik dhe nuk ka të bëjë me ligjin, dhe se do të ketë pasoja të rëndësishme për marrëdhëniet diplomatike mes dy vendeve.

“Serbia ka të nënshkruar një marrëveshje partneriteti strategjik me Francën. Çfarë partnerësh strategjik jemi ne? Kjo me siguri do të ketë pasoja të rëndësishme për marrëdhëniet tona diplomatike”, ka thënë Daçiq si mysafir në RTS, raporton Gazeta Express.

-Advertisement-

Ai shtoi se Serbia do të vazhdojë të veprojë e përmbajtur, dhe se kryeministri dhe presidenti i sapozgjedhur, Aleksandar Vuçiq, do të bëjë gjithçka që Serbia të jetë prodhues i paqes dhe stabilitetit në rajon.

“Ju keni dëgjuar mesazhin e Haradinajt se duhet vepruar si kroatët. Çfarë do të thotë kjo? A nuk është e mjaftueshme që ai vrau serbë në vitet nëntëdhjetë, por ende po kërkon që të vazhdojë prap këtë”, ka thënë Daçiq.

Ai theksoi se Serbia në të gjitha këto reagon e përmbajtur, por askush nuk duhet të luajë me popullin e Serbisë dhe shtetin e Serbisë.

“Ne jemi një vend i vogël, por krenar. Ne veprojmë me maturi, sepse ne kemi vetëdije që nuk duhet tensionuar situatën dhe se zgjidhja është në marrëveshje, në vend të përshkallëzimit të situatës dhe të luftës”, tha ministri serb.

Siç tha ai, shqiptarët e luajën lojën për gjithçka ose asgjë, duke shtuar se nga skena politike në botë u zhdukën ata që ishin mbrojtësit e tyre.

“Ata ende mendojnë se ndonjë engjëlli i ri mëshirues do t’i mbrojë ata”, përfundoi ai.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy