Vrasja në parkingun e Suharekës, Gjykata zbulon se si u qëllua viktima para bashkëshortes dhe vajzës së mitur
Autori: Gazeta inFokus
12:29 | 20 November 2026
Gjykata Themelore në Prizren ka caktuar një muaj paraburgim ndaj Rrahman Hotit, i dyshuar për vrasjen e rëndë që ndodhi më 18 nëntor në parkingun e një qendre tregtare në Suharekë.
Sipas vendimit të Gjykatës, paraburgimi mund të zgjasë deri më 18 dhjetor 2026, ndërsa Hoti po hetohet për veprat penale “Vrasje e rëndë” dhe “Mbajtje në pronësi, kontroll ose posedim të paautorizuar të armëve”.
Në kërkesën e Prokurorisë, të cilës i referohet Gjykata, thuhet se ngjarja kishte ndodhur rreth orës 12:00, pas një mosmarrëveshjeje të çastit lidhur me parkimin e automjeteve.
I dyshuari Rrahman Hoti dyshohet se kishte shtënë disa herë me armë zjarri të llojit “Sig Sauer” në drejtim të viktimës S.D. Fillimisht, ai kishte qëlluar përmes xhamit të automjetit, ndërsa më pas kishte vazhduar të shtënat edhe pasi i kishte hapur dyert e veturës.
Në momentin e të shtënave, pranë viktimës ndodheshin edhe bashkëshortja dhe vajza e tyre e mitur. Sipas Prokurorisë, edhe jeta e tyre ishte vënë në rrezik nga të shtënat me armë zjarri.
Pas plagosjes, viktima ishte dërguar fillimisht në Qendrën Kryesore të Mjekësisë Familjare në Suharekë, e më pas në Spitalin Rajonal të Prizrenit, ku mjekët kishin konstatuar vdekjen e tij.
Ndërkohë, pas ngjarjes, i dyshuari ishte larguar nga vendi i krimit, por më vonë ishte lokalizuar dhe arrestuar nga Policia e Kosovës.
Gjatë kontrollit të automjetit të tij, policia kishte sekuestruar armën e dyshuar të përdorur në vrasje, dy karikatorë dhe 24 fishekë. Ndërsa, gjatë kontrollit në banesën e tij, ishin gjetur edhe 47 fishekë të tjerë.
Një tjetër detaj që bëhet i ditur në vendimin e Gjykatës është se Rrahman Hoti rezulton të ketë qenë i dënuar më parë nga autoritetet zvicerane për veprën penale të vrasjes.
Gjykata ka vlerësuar se në këtë rast ekziston rreziku i arratisjes së të pandehurit, duke marrë parasysh edhe faktin se ai ishte larguar nga vendi i ngjarjes pas të shtënave.
Po ashtu, sipas Gjykatës, pesha e veprave penale për të cilat dyshohet, rrethanat në të cilat ka ndodhur ngjarja dhe faza fillestare e hetimeve e bëjnë të nevojshëm caktimin e masës së paraburgimit.
Kjo masë, sipas arsyetimit të Gjykatës, është e domosdoshme për të siguruar praninë e të pandehurit dhe për të mundësuar zhvillimin e papenguar të procedurës penale.
I pandehuri konsiderohet i pafajshëm derisa fajësia e tij të vërtetohet me vendim të formës së prerë.

T� tjera
-
Kosova dhe BE-ja mbajtën takimin e tetë për çështjet ekonomike, financiare dhe statistikat
Përfaqësuesit e Kosovës dhe të Komisionit Evropian kanë mbajtur në Prishtinë ...
-
Prishtina n’bërllok, Komuna u shkruan deputetëve: S’lejojmë të mbahet peng projekti për inate politike
Nënkryetarja e Komunës së Prishtinës, Besianë Musmurati, ka njoftuar sot se k...
-
Hoti i quan dështakë Qeverinë Kurti: Sot projekti i gazit amerikan mund të ishte në finalizim, me Kosovën e Re do të kushtonte 80 euro megavati
Deputeti i LDK-së, Avdullah Hoti, ka kritikuar Qeverinë për gjendjen në sekto...
-
“Nuk jam duke të sulmuar, veç po të pyes”, tensione gjatë intervistimit të drejtoreshës për rastin e Arlinda Zekajt
Komisioni Hetimor Parlamentar, i cili po shqyrton rastin e vrasjes së Arlinda...
-
Kurti i shpjegoi ikjet nga Kosova me gjendjen e keqe në dy fusha, parashikoi që arsimi mund të ndreqet për 10-15 vjet
Kryeministri Albin Kurti ka identifikuar dy faktorë kryesorë që, sipas tij, p...
-
Erërat e fuqishme shkaktojnë dëme në Ferizaj, kryetari Aliu kërkon mbështetjen e qeverisë
Erërat e fuqishme që përfshinë Ferizajn gjatë mbrëmjes së kaluar kanë shkaktu...
-
Pacolli njofton për rrënime të reja përreth Liqenit të Ujmanit
Ministrja e Mjedisit, Fitore Pacolli ka bërë të ditur se po vazhdojnë rrënime...
-
Miratimi në lexim të parë i buxhetit, Qeveria: Ky buxhet synon transformimin ekonomik të Kosovës
Mbrëmë Kuvendi i Kosovës miratoi në lexim të parë Projektbuxhetin për vitin 2...
-
Deputetët përplasen në Komision gjatë intervistimit të drejtoreshës nga Peja, shkak pyetjet
Komisioni Hetimor Parlamentar në rastin e Arlinda Zekajt, po interviston Albu...
-
INDEP: Kosova shkel dy obligime të Traktatit të Komunitetit të Energjisë, pasojë e vonesave, bllokadave dhe mospunës
Instituti për Politika Zhvillimore (INDEP) ka reaguar pas publikimit të dy op...
-
Bajrami: Nga sot, reduktimet e energjisë lejohen edhe me vendim të Kuvendit
Deputetja e Lidhjes Demokratike të Kosovës (LDK), Hykmete Bajrami, ka kritiku...
-
Dëmet nga erërat e forta pezullojnë mësimin në gjimnazin e Ferizajt
Mësimi është pezulluar sot në Gjimnazin “Dr. Shaban Hashani” në Ferizaj, për ...






























